"ვისოლი" 3 წლის განმავლობაში მსხვილი ფორმატის 20 მაღაზიას გახსნის.
პირველი სუპერმარკეტი მენჯმენტმა აღმაშენებლის ხეივნის მე-13 კილომეტრზე სამშაბათს გახსნა. როგორც სუპერმარკეტის გახნის ცერემონიაზე "ვისოლის" დამფუძნებელმა სოსო ფხაკაძემ განაცხადა, სამი წლის განმავლობაში კომპანია მთელი ქვეყნის მასშტაბით 20 მსხვილ სუპერმარკეტს გახსნის, სადაც 3000 ადამიანს დაასაქმებს.
"სმარტი" მომხმარებელს ყველანაირ კომფორტს მისაღებ ფასებს, მარალი ხარისხის პროდუქციასა და მომსახურებას შესთავაზებს. სუპერმარკეტისათვის სავაჭრო აღჭურვილობა იტალიიდან ჩამოვიტანეთ და პროდუქტების იმპორტიც იტალიიდან და გერმანიიდან განხორციელდა, თუმცა მისი ორიენტირი ადგილობრივი წარმოების პროდუქტებიც იქნება. ყველანაირად ხელს შევუწყობთ ქართულ წარმოებას და მომხმარებელს ჯანსაღ პროდუქტებს და ყველა საჭირო ნივთს ერთ ადგილას შევთავაზებთ", - განაცხადა ფხაკაძემ.
სუპერმარკეტში მოქმედებს კაფე სრული მომსახურებით (Take Away), ინტერნეტ (WIFI) ზონა, აფთიაქი, სწრაფი გადახდის აპარატი, ბანკომატი, უნიკარდით ქულების დაგროვების საშუალება, სასიამოვნო გარემო და უმაღლესი ხარისხის მომსახურება 24 საათის განმავლობაში.
მომავალი წლის ბოლომდე "სმარტის" სუპერმარკეტები გლდანის, ვაზისუბნის, ვარკეთილის, წყნეთის, ბათუმის, ფოთის, ქუთაისის, გორის, მარნეულის, სამტრედიის, ზუგდიდის და ახალციხის მოსახლეობასაც მოემსახურება.
სუპერმარკეტის გახსნას ქალაქის მერი გიგი უგულავა, საქართველოში იტალიის საელჩოს წარმომადგენელი და ქართველი ბიზნესმენები დაესწრენენ.
რეგისტრაცია!
