2011 წლის დასაწყისისთვის ავეჯის მაღაზია "ბელუქსი" ახალ ფილიალის გახსნას აპირებს, რომელიც არსებულ ობიექტებს შორის ყველაზე მაშტაბური იქნება. მენეჯმენტის ინფორმაციით, ახალი ფილიალის მშენებლობა დიღომში უკვე დაწყებულია და სავარაუდოდ, მიმდინარე წლის ბოლოს დასრულდება. ამრიგად, "ბელუქსი" თბილისში სამი ფილიალის მფლობელი გახდება.
"ბელუქსი" საქართველოში ავეჯით მოვაჭრე კომპანიაა, რომელიც უკვე 13 წელია ამ სფეროში მოღვაწეობს. კომპანია მომხმარებელს ყველა სახის ავეჯსა და ინტერიერის აქსესუარს სთავაზობს. იგი, ძირითადად, ბელგიურ ავეჯს ყიდის, კომპანიის სავაჭრო ცენტრებში პროდუქციის განახლება ყოველ 10 დღეში ერთხელ ხდება. კომპანია ბელუქსს საქართველოში საცალო ვაჭრობის მაღაზიათა ქსელი “მეგა” ფლობს. თბილისში კომპანიის 1 საბავშვო ავეჯის მაღაზიაც “ბელუქს ქიდსი” აქვს. ბელუქსმა მნიშვნელოვანი ადგილი მოიპოვა ბაზარზე და დღესდღეობით წამყვანი ავეჯის იმპორტიორია მთელს სამხრეთ კავკასიაში.
საქართველოს გარდა "ბელუქსმა" ბიზნესი ევროპისა და აზიის წამყვან ქვეყნებშიც წამოიწყო, როგორც კომპანიაში აცხადებენ, ბელუქსი თანამშრომლობს 177 მწარმოებელ კომპანიასთან და ევროპისა და აზიის 7 ქვეყანასთან. ძირითადად, მის პროდუქციაში ჭარბობს მდიდრული და ელეგანტური ავეჯი.
ირინა დეისაძე
რეგისტრაცია!
