სერვისი ქართულ ბიზნესში ჯერ კიდევ მოუგვარებელი პრობლემაა. მომსახურების ხარისხი განსაკუთრებით ისეთ ბიზნესდაწესებულებებშია აქტუალური, რომლებიც საცალო ვაჭრობის მიმართულებით საქმიანობენ. ბოლო პერიოდში ამ მიმართულებით საკმაოდ საინტერესო ძვრები შეინიშნება.
კომპანია "გუდვილმა" სპეციალური ტრეინგ-ცენტრი გახსნა, სადაც კომპანიამ პირველ რიგში საკუთარი კადრების გადამზადება დაიწყო. მოწვეული იყვნენ სპეციალურად გერმანელი, ამერიკელი და ქართველი ტრენერები, რომლებმაც ერთი თვის განმავლობაში გუდვილის თანამშრომლებს ტრეინინგები ჩაუტარეს.
ტრეინინგ ცენტრის გახსნის მიზეზი, დღესდღეობით საქართველოში, მომსახურების სფეროში არსებული სირთულეებია. ცენტრი კი მოახდენს მომსახურების მაღალი სტანდარტების შექმნას და დანერგვას. მომსახურების სფეროში კადრების გადამზადებას განსაკუთრებული როლი აქვს მოქალაქეთა დროული, წარმატებული და სტაბილური დასაქმებისა და თვითდასაქმებისათვის.
კომპანია "გუდვილის" ტრეინინგ-ცენტრი დღესდღეობით უნიკალურ შესაძლებლობას იძლევა მომსახურების სფეროში მომუშავე კადრების სწრაფი და ეფექტური გადამზადებისათვის, განსაკუთრებით კი ამ სფეროში მოღვაწეობის მსურველი ახალგაზრდებისათვის.
"გუდვილის" ტრეინინგ-ცენტრში იქნება შემდეგი ტრეინინგები: მომხმარებელთან ურთიერთობის მეთოდები; ეფექტური გაყიდვების ხერხები; როგორ შევქმნათ 5 ვარსკვლავიანი მომსახურება; ეტიკეტის ნორმები; ხარისხის სტანდარტები და მართვა; გუნდური მუშაობის პრინციპები და შიდა კომუნიკაციები; ეფექტური კომუნიკაცია; კონფლიქტური სიტუაციების მართვა.
ტრენერები იქნებიან შესაბამისი სპეციალობის ადგილობრივი და უცხოელი ექსპერტები და ტრენერები. კურსების ხანგრძლივობა 12დან- 144სთ მდე; 50% თეორია 50% პრაქტიკა, სასწავლო კურსის ბოლოს ჩატარდება გამოცდა, რის შედეგადაც სტუდენტებს გადაეცემათ შესაბამისი სერთიფიკატები.
"ჩვენ ვართ ნოვატორები და ვქმნით ტრეინინგ-ცენტრს მომსახურების სფეროში მოღვაწე პერსონალის მომზადება-გადამზადებისთვის, რაც მათ დასაქმებასა და წინსვლას ხელს შეუწყობს. ჩვენ მივყვებით გლობალიზაციის მზარდ ტემპს და ვითვალისწინებთ ადგილობრივ რეალობას, აქედან გამომდინარე აუცილებლობას წარმოადგენს კადრების სათანადო მომზადება, პოტენციური კლიენტურის უწყვეტი მოზიდვისათვის. ეს პროექტი ხელს შეუწყობს საერთაშორისო სტანდარტების შესაბამის მომსახურების დანერგვა, წარმატებულ კურსდამთავრებულებს აუცილებლად დავასაქმებთ გუდვილში", - განაცხადა გუდვილის გენერალურმა დირექტორმა ნუგზარ მაღულარიამ.
როგორც ვხედავთ, ეს არ არის კომპანიის ბიზნესპროექტი, ამ ტიპის ტრენინგ-ცენტრის გახსნა უფრო მეტად სოციალურ დატვირთვას იძენს. კომპანია ამ მიმართულებითაც განსაკუთრებით აქტიურია. ზოგადად, "გუდვილი" მაღალი სოციალური პასუხისმგებლობით გამოირჩევა და გახსნის დღიდან აქტიურად მონაწილეობს სოციალურ და საქველმოქმედო პროექტბში.
საცალო ვაჭრობის სფეროში კომპანია "გუდვილი" ყველაზე ქველმოქმედია. "გუდვილი" მუდამ არის შიდსით დაავადებულთა სამკურნალოდ დაგეგმილი კამპანიების თანაორგანიზატორი, ძუძუს კიბოთი დაავადებულ ქალბატონთა სამკურნალო კამპანიების აქტიური მხარდამჭერი, ჯანსაღი კვების პროპაგანდისტული კამპანიების მხარდამჭერი და ორგანიზატორი. 2010 წელს კომპანიამ განსაკუთრებული დახმარება მზრუნველობამოკლებულ, უნარშეზღუდულ და დევნილ ბავშვებს, აგრეთვე მრავალშვილიან ოჯახებს აღმოუჩინა. მათ შორისაა, კოჯრის ბავშვთა სახლის დახმარება მსოფლიო სურსათის დღეს, დახმარება მრავალშვილიანი ოჯახებისთვის, ფონდ "იმედის სახლთან" ერთად, მსოფლიო დევნილთა საერთაშორისო დღისადმი მიძღვნილი ღონისძიება, UNCHR-ის ორგანიზატორორბით. გუდვილი ასევე აქტიურად ჩაერთო "ახალგაზრდულ მოძრაობა "დავითიანნის" ანტინარკოტიკულ პროექტში".
ალექსანდრე ჭელიძე
რეგისტრაცია!
