სოციალურ ქსელ facebook-ში სპეციალური გვერდია შექმნილი, რომლის საშუალებითაც ქართველი მომხმარებელი ინტერნეტ-პროვაიდერებს ტარიფების დაწევას და ხარისხის მომატებას სთხოვს. ამ ჯგუფის წევრების რაოდენობამ უკვე 9 200-ს მიაღწია.
მსოფლიო ინტერნეტის სტატისტიკური ცენტრის 2010 წლის მონაცემებით საქართველოში ერთ-ერთი ყველაზე მაღალი ტარიფებია, ხოლო სიჩქარე კი ერთ-ერთი ყველაზე დაბალი. საქართველოში ამ დროისთვის 2 ძირითადი ინტერნეტ პროვაიდერია: "ავკაზუს ონლაინი" და "სილქნეტი".
ბაზარზე ლიდერის პოზიციას "სილქნეტი", (ყოფილი "გაერთიანებული ტელეკომი") იკავებს, ხოლო შემდეგ მოდის "კავკასუს ონლაინი", რომელიც 3 წამყვანი ინტერნეტ პროვაიდერის გაერთიანების შემდეგ შეიქმნა.
"მსოფლიო ქსელთან" მუდმივი IP-მიერთება 1995 წელს განხორციელდა. Iinternetworldsats.com მონაცემებით საქართველოში ინტერნეტის მომხმარებელთა რიცხვი წლიდან წლამდე იზრდება. 2000 წლის მონაცემებით საქართველოში ინტერნეტის 20.000 მომხმარებელი იყო, დღეს კი ეს მაჩვენებელი 6400 პროცენტითაა გაზრდილი, ანუ დღეისათვის ინტერნეტის მომხმარებელთა რიცხვი 1.300.000-ს შეადგენს.
თუ გადავხედავთ საქართველოში ინტერნეტის სიჩქარეს და ტარიფს, საშუალო სიჩქარე 10მგ/წმ-ს ფარგლებშია, ხოლო ტარიფი 1 მგ/წმ-ზე 3-4 დოლარის ფარგლებში მერყეობს.
მსოფლიოში ეს მაჩვენებელი შემდეგნაირია: იაპონია 1 მეგაბიტ წამი საშუალოდ 0,27$, ხოლო საშუალო სიჩქარე 61 მეგაბიტ წამია; კორეა საშუალო სიჩქარე 46 მეგაბიტი წამში, 1 მგ/წმ-ს საშუალო ღირებულება 0,45$; ფინეთი საშუალო ტარიფი - 2,27$, ხოლო სიჩქარე 22 მგ/წმ; პოლონეთი, ტარიფი - 13.00$; სიჩქარე - 7.5 მგ/წმ, სომხეთში ტარიფი - 2.5$, სიჩქარე - 1 მგ/წმ, აზერბაიჯანში - 5.7$, საშუალო სიჩქარე 1 მგ/წმ.
ფაქტია, რომ ქართული ინტერნეტი ბევრად ჩამოუვარდება განვითარებულ ქვეყნებში არსებულ ინტერნეტის ხარისხს, მიუხედავად ამისა ფასი გაცილებით ძვირია.
აღსანიშნავია, რომ 2009 წლის მონაცემებით ინტერნეტი ელექტრონული კომუნიკაციების ბაზრის ერთადერთი სეგმენტია, სადაც 34%-იანი ზრდა დაფიქსირდა. რის ხარჯზე აღწევენ ინტერნეტ პროვაიდერები ასეთ მაღალ შემოსავლებს, თუ მომხმარებლებს არარეალურად მაღალ ფასს არ ახდევინებენ?
ნებისმიერ ქვეყანას განვითარებისთვის იაფი და ხელმისაწვდომი ინტერნეტ მომსახურება სჭირდება. განვითარებადი ეკონომიკური გარემოს პირობებშიც კი ამ სფეროს განსაკუთრებული მხარდაჭერა სჭირდება, რაც იაპონიის და ბევრი სხვა ქვეყნის მსგავსად, ამ მიმართულების პრიორიტეტულ რანგში აყვანას და ჯეროვან ყურადღებას გულისხმობს.
თაკო ბოჭორიშვილი
რეგისტრაცია!
