ნანახია: 441

"ბორჯომი" ლატვიაში გასული წლის საუკეთესო პროდუქტების ჩამონათვალში მოხვდა

"ბორჯომი" ლატვიური ბიზნესასოციაციის მიერ ორგანიზებულ დაჯილდოებაზე, - "2009 წლის საუკეთესო პროდუქტი", აღიარეს. გამოვლინდა პროდუქტები, რომლებიც ლატვიაში საზოგადოების მხრიდან ყველაზე მაღალ შეფასებას იმსახურებენ.
საუკეთესო პროდუქციის გამოვლენა მოვაჭრეების ლატვიურმა ასოციაციამ 2003 წლიდან დაწყო. გამარჯვებულთა შერჩევის მთავარი კრიტერიუმი პროდუქტის ხარისხი და გაყიდვების რაოდენობაა.
ასოციაცია გაყიდვების შესახებ ინფორმაციას უდიდესი სავაჭრო ცენტებიდან იღებს, ისეთი როგორიცაა: Rimi, Maxima, IKI Elve, Narvesen, Aibe, Prisma და სხვა. ბიზნესასოციიციის დაკვეთით, ეს ორგანიზაციები რეგულარულად აწარმოებენ მომხმარებელთა გამოკითხვას.
გამარჯვებულები ოთხ კატეგორიაში გამოვლინდნენ, - სასმელი, მზა პროდუქტები და ნახევარფაბრიკატები, ასევე "ფასტფუდი".
ხელმძღვანელებმა წელს კონკურსს ახალი კატეგორიები დაამატეს, - ლიდერები, ახალბედები, იმპორტირებული საქონლის ლიდერები. სწორედ იმპორტირებული საქონლის ლიდერად დასახელდა ქართული ბრენდი "ბორჯომი".
`ჩვენ ძალიან ბევრს ვაკეთებთ იმსითვის, რომ "ბორჯომი" ყველა ქვეყანაში სათანადო დონეზე იყოს წარმოდგენილი. მოგეხსენებათ, გასულ წელს ჩვენ ოფიციალური წარმომადგენლობა გავხსენით ევროპაში, რომლის ოფისიც ლიტვაშია განთავსებული. წარმომადგენლობის უმთავრესი მისიაა ბალტიისპირეთისა და აღმოსავლეთ ევროპის ქვეყნებში "ბორჯომის" ბრენდის განვითარება, რომელიც პირველ რიგში ცხადია გაყიდვების მოცულობაზე აისახება. ამ ჯილდოს მიხედვით, "ბორჯომი" ნომერ პირველი ბრენდია გაყიდვების მიხედვით იმპორტირებული მინერალური წყლების სეგმენტში. ძალიან გვახარებს ეს აღიარება და სასიამოვნოა, როცა შრომის შედეგებს ვიღებთ პირველ რიგში გაყიდული პროდუქციის მეშვეობით და მეორეს მხრივ, ამას ხედავენ და აღაირებენ ჩვენი მომხამრებლები საექსპორტო ბაზრებზე. ნამდვიალდ კარგია მსგავსი კონკურსების არსებობა ბიზნესისა და სიზნესმენების წახალისებითვის. საბოლოო ჯამში ეს ბიზნესის განვითარებას და მის ხელშეწყობას ემსახურება” – განაცხადა კომპანია "IDS ბორჯომი საქართველოს” გენერალურმა დირექტორმა, ზაზა კიკვაძემ.
"ხალხისთვის ყველაზე საყვარელი პროდუქტების შერჩევას და მათ დაჯილდოებას ლატვიაში მეექვსეჯერ ვაწყობთ. წინა წლებისგან განსხვავებით, 2010 წელს კონკურსი საერთაშორისო გახდა. წელს ასეთი წარმოდგენები ლიტვასა და უკრაინაშიც გაიმართა. "წლის პროდუქტი"-ს ინტენაციონალიზაცია ჩვენს მწარმოებლებს მისცემს საშუალებას, თავიანთი პროდუქცია სხვა ქვეყნის ბაზარზე გაიტანონ. მომავალ წელს იგეგმება კონკურსის კიდევ უფრო გაფართოება, გეოგრაფიული კუთხით, ესტონეთისა და პოლონეთის ჩართვა", - განაცხადა ლატვიური ბიზნესასოციაციის პრეზიდენტმა ჰენრიკ დენუსევიჩმა.