ნანახია: 922

ბოლო დროს საქართველოს საგადასახადო კოდექსში მიმდინარე ცვლილებებთან დაკავშირებით არასამთავრობო ორგანიზაცია "ახალგაზრდა ფინანსისტთა და ბიზნესმენთა ასოციაცია" (აფბა) პროტესტს გამოთქვამს. პრეზიდენტმა 1 თვის წინ "ეკონომიკური თავისუფლების აქტის" ფარგლებში ახალი საკონსტიტუიციო ინიციატივა წარადგინა. ქვეყანაში გადასახადების გაზრდა, ან საგადასახადო კოდექსში ახალი გადასახადების შემოღება რეფერენდუმის გზით უნდა განხორციელდეს. პრეზიდენტის ინიციატივის შემდგომ მთავრობის საგადასახადო პოლიტიკა რადიკალურად შეიცვალა, თუ მანამდე ხელისუფლება უმეტესწილად გადასახადებს აუქმებდა ან ამცირებდა, ამ განცხადების შემდგომ უკვე მესამე საგადასახადო ცვლილება განხორციელდა, რომლის შედგადაც ესა თუ ის გადასახადი გაიზარდა.
საზოგადოებაში გაჩნდა საფუძვლიანი ეჭვი, რომ რეფერენდუმის გზით გადასახადების გაზრდის შესახებ საკანონმდებლო ინიციატივის დამტკიცებამდე (აღნიშნული შინაარსის კანონპროექტი უკვე პარლამენტშია შესული განსახილველად) მთავრობა ასწრებს და ზრდის ყველა იმ გადასახადს, რომლთა გაზრდაც მათ შეიძლება უახლოეს მომავალში მოუწიოთ.
"ახალგაზრდა ფინასისტთა და ბიზნესმენთა ასოციაცია" მიმართვას პარლამენტს არ დაამტკიცოს მთავრობის მიერ წარმოდგენილი საგდასახადო ცვლილებები: თამბაქოს აქციზზე გადსახადის ზრდა, ჯართზე საექსპორტო გადსახადის გაზრდა და საბაჟო 5%-იანი გადასახადის გაუქმების შედეგად, ზოგიერთ შემთხვევაში 12%-იანი გადასახადის დაწესება.
"აფბა" მიმართავს მთავრობას არ მოახდინოს პრეზიდენტის მიერ ინიცირებული საკანონმდებლო ინიციატივის გაუფასურება და მასთან წინააღმდეგობაში მოსული ცვლილებების გატარება.
"აფბა" გამოდის ინიციატივით, რომ პრეზიდენტის მიერ ინიცირებული კანონპროექტის შესაბამისად, მოხდეს აღნიშნულ გადასახადებზე საპროცენტო განაკვეთების ზრდა. "ახალგაზრდა ფინასისტთა და ბიზნესმენთა ასოციაცია" რეფერენდუმის ჩატარების მოთხოვნას აყენებს. დაე, მოსახლეობამ თავად გადაწყვიტოს, უნდა თუ არა, ამა თუ იმ გადასახადის გაზრდით, ადგილობრივი წარმოების ხელშეწყობა, WTO-სთან კარგი ურთიერთობა თუ ა.შ.