ნანახია: 671

დღეს, 09.10.2009, “სახალხო ბანკმა” პედაგოგების დაკრედიტების პროგრამის განახლების შესახებ განაცხადა. ამ პროგრამის ფარგლებში “სახალხო ბანკის” სახელფასო პროგრამაში ჩართული სკოლების პედაგოგები შეძლებენ ყოველთვიური ხელფასის სამმაგი ოდენობის, ერთ წლამდე ვადით სესხების მიღებას 24%-ით შეძლებენ. აღსანიშნავია, რომ პედაგოგების დაკრედიტების პროგრამა “სახალხო ბანკმა” ჯერ კიდევ 2006 წელს დაიწყო, თუმცა ბოლო ერთი წლის განმავლობაში ამ პროგრამით გათვალისწინებული სესხები მასიურად არ გაიცემოდა. დღესდღეობით საქართველოში 2.044 სკოლაა, აქედან 1.5732 სკოლა სახალხო ბანკის სახელფასო პროგრამაშია ჩართული.
“მოხარული ვარ, რომ “სახალხო ბანკმა” პედაგოგების დაკრედიტების პროგრამა განაახლა. ამ პროგრამის მეშვეობით ჩვენი ბანკის სახელფასო პროგრამაში ჩართული დაახლოებით 30.000 მასწავლებელი მთელს საქართველოში სესხების მიღებას შეძლებს. იმ შემთხვევაში, თუ სხვა საჯარო სკოლები სახალხო ბანკის სახელფასო პროგრამაში ჩაერთვებიან, მათთან მომუშავე პედაგოგებიც შეძლებენ ისარგებლონ სპეციალურად მასწავლებლებისთვის განკუთვნილი ამ სესხებით,” აღნიშნა “სახალხო ბანკის” სამეთვაყურეო საბჭოს აღმასრულებელმა თავმჯდომარეომ და გენერალურმა დირექტორმა ლადო გურგენიძემ.