ნანახია: 1099

ბანკ "რესპუბლიკას" აქციონერმა "სოსიეტე ჟენერალმა" ბანკის თანამშრომლებს კომპანიის აქციების შეღავათიანი პირობებით შეძენის საშუალება კიდევ ერთხელ მისცა. თანამშრომლებს პირველად მსგავსი შესაძლებლობა 2008 წელს გაუჩნდათ.
ბანკი "რესპუბლიკას" ცნობით, "თანამშრომლების მიერ აქციების ფლობის გლობალური პროგრამის ფარგლებში" (GESOP) 2009 წელს აქციების შეძენის შესაძლებლობა ჯგუფის 14 ახალი შვილობილი კომპანიის პერსონალს მიეცა.
შედეგად, პროგრამაში მონაწილე ყოფილ და არსებულ თანამშრომელთა რიცხვმა 145 ათასს მიაღწია, საიდანაც 74 000 საფრანგეთზე მოდის.
აქციების გამოწერის ფასი 27,09 ევროთი განისაზღვრა. თანამშრომლებს სააქციო კაპიტალის 1,74% -ის გამოწერის საშუალება მიეცა.
მთლიანობაში 62 ქვეყნის მასშტაბით პროგრამაში მონაწილეობა 59 ათასმა არსებულმა და ყოფილმა თანამშრომელმა მიიღო.
მათ მიერ გამოწერილი აქციების მთლიანმა თანხამ 291 მილიონი ევრო შეადგინა. საფრანგეთში `სოსიეტე ჟენერალის" ოთხი თანამშრომლიდან თითქმის ყოველმა მესამემ (73%) გადაწყვიტა აქციების შეძენა.
ამჟამად, მსოფლიოს მასშტაბით "სოსიეტე ჟენერალის" აქციონერი 82 ათასზე მეტი არსებული და ყოფილი თანამშრომელია და მათი საერთო წილი კაპიტალის 8,2%-ს შეადგენს.
GESOP-ის პროგრამის ფარგლებში ბანკ `რესპუბლიკას" თანამშრომლები აქციებს პრივილეგირებულ ფასად, ბანკის თანადაფინანსებით იძენენ.
წელს აქციების მფლობელი 17 თანამშრომელი გახდა. შეძენილ იქნა 577 აქცია.