ნანახია: 957

ქუთაისის პოლიციის სამმართველოს შენობაში დღეს დილით გაჩენილ ხანძართან დაკავშირებით, ს.ს. ენერგო-პრო ჯორჯია აცხადებს, რომ კომპანიის ელექტროქსელში ძაბვის ცვლილება არ დაფიქსირებულა, ამდენად ხანძრის გაჩენის მიზეზად ძაბვის ვარდნის დასახელება უსაფუძვლოა. ამ დროისთვის უკვე შექმნილია სპეციალური კომისია, რომელიც იკვლევს მომხდარ ფაქტს და აღნიშნულ საკითხთან დაკავშირებით დასკვნას ექსპერტიზის ჩატარების შემდეგ გამოაქვეყნებს.
უნდა აღინიშნოს ის, რომ 500 კვ ელექტროენერგიის გადამცემ ხაზ ,,კავკასიონზე” მომხდარი აფეთქების შედეგად, საქართველოს ენერგოსისტემა მუშაობს ავტომატურ რეჟიმში, რაც ასუსტებს ენერგოსისტემის ეფექტურობას. ამასთან, გუშინ „საქართველოს სახელმწიფო ელექტროსისტემის“ კუთვნილ ქვესადგურზე „ქუთაისი 220“ ორჯერ დაფიქსირდა ავარიული გათიშვა, თუმცა რამდენად შეიძლება აღნიშნული ავარიული გათიშვა დასახელდეს ხანძრის გამომწვევ მიზეზად, ამას ექსპერტიზა დაადგენს.