ნანახია: 639

"საქართველოს ბანკმა" 24 ივნისს "მაქსიმა" ანაბარზე ახალი შეთავაზების შემოღების შესახებ განაცხადა. ამიერიდან, "მაქსიმა" ანაბრის გახსნა შესაძლებელი იქნება ნებისმიერი ოდენობის თანხით.
"მაქსიმა" ერთდროულად Visa Classic-ის კლასის პლასტიკური ბარათია, რომელზეც დანაზოგი თავსდება და, ამავე დროს, ანაბარია, რომელსაც, დღეების სიზუსტით დაანგარიშებული, მაღალი საპროცენტო სარგებელი ყოველი თვის ბოლოს, ანგრაიშზე არსებული ნაშთის შესაბამისად ერიცხება - ლარში 10%-ი, აშშ დოლარში, ევროსა და გირვანქა სტერლინგში - 8%-ი. აღსანიშნავია, რომ ყოველი თვის ბოლოს ანაბარზე დარიცხული სარგებელი მამხმარებლის დანაზოგს ემატება.
"მაქსიმა" ბარათით "მაქსიმა" ანაბარზე განთავსებული თანხის განაღდება მეანაბრეს ნებისმიერ დროს, მსოფლიოს ნებისმიერ წერტილში შეუძლია. შესაძლებელია, როგორც ბარათზე არსებული დანაზოგის, ისე მასზე დარიცხული პროცენტის განაღდება. აღსანიშნავია, რომ "მაქსიმას" საპროცენტო განაკვეთი არ მცირდება ანაბარზე განთავსებული თანხის განაღდების შემთხვევაში და ის ლარში კვლავ 10%-ს, აშშ დოლარში, ევროსა და გირვანქა სტერლინგში კი 8%-ს შეადგენს.
"მაქსიმა" ანაბარს დამატებით მოქნილობას ისიც სძენს, რომ მისი მეშვეობით თანხის დაგროვება და განთავსება ერთდროულად რამდენიმე ვალუტაშია შესაძლებელი. დანაზოგის შევსება ნებისმიერ დროს, ნებისმიერი მოცულობის თანხითაა შესაძლებელი. ბარათის ღირებულება წელიწადში 10 ლარია, ვადა კი 2 წელი.