ნანახია: 832

საქართველოს ფინანსთა სამინისტროში, საქართველოში ლატარიის ორგანიზებასა და ჩატარებაზე უფლებამოსილი პირის გამოსავლენად შექმნილმა სატენდერო კომისიამ, ტენდერში გამარჯვებულად შპს „საქართველოს ლატარიის კომპანია“ გამოავლინა. საქართველოს ფინანსთა სამინისტროს ინფორმაციით, სატენდერო კომისიამ შემდეგი პრეტენდენტების მიერ წარმოდგენილი სატენდერო წინადადებები განიხილა: შპს „საქართველოს ლატარიის კომპანია“ და შპს „ტექნოლოგია პლუსი“ გამარჯვებულად, კი შპს „საქართველოს ლატარიის კომპანია“ გამოვლინდა, რადგან მან ლატარიის ჩატარებისას რეალიზებული ბილეთების ჯამური ღირებულების მაქსიმალური ოდენობის თანხის გადახდის წინადადება წარადგინა. შპს „საქართველოს ლატარიის კომპანიის“ მიერ წარმოდგენილი სატენდერო წინადადებით, კომპანიის მთლიანი დაგეგმილი შემოსავალი 10 წლის განმავლობაში 4,3 მლრდ. ლარი, ხოლო სახელმწიფო ბიუჯეტში შენატანი 0,9 მლრდ. ლარი იქნება.