ნანახია: 595

სასტუმრო "შერატონ მეტეხი პალასში" ფინანსთა სამინისტროსა და ბიზნესასოციაციებს შორის ხელმოწერილი თანამშრომლობის ქარტიის ფარგლებში შეხვედრა გაიმართა. ფინანსთა მინისტრმა, კახა ბაინდურაშვილმა, ამერიკის სავაჭრო პალატის და ევროკავშირ-საქართველოს ბიზნესსაბჭოს წარმომადგენლობასთან საქართველოში მორიგი შეხვედრა გამართა. სადაც ფინანსთა სამინისტროში მომზადებული საკანონმდებლო ინიციატივები, კერძოდ კი საგადასახადო კოდექსისა და 2009 წლის სახელმწიფო ბიუჯეტში დაგეგმილი ცვლილებები, განიხილეს.
გარდა ამისა, ფინანსთა მინისტრმა შეხვედრის მონაწილეებს ქვეყნის მაკროეკონომიკური მდგომარეობა და მთავრობის გეგმა გააცნო, თუ როგორ ხედავს ხელისუფლება წელს ქვეყნის ეკონომიკის 1,5%-იანი შემცირების პროგნოზის პირობებში, სახელმწიფო ვალდებულებების შესრულების, ბიუჯეტის გაზრდის შესაძლებლობის და ეკონომიკის დამატებითი სტიმულირების პერსპექტივას.
შეხვედრაზე ამ მიმართულებით უცხოელი პარტნიორების წინადადებები და შენიშვნები იქნა მიღებული. ასევე, ორმხრივი თანამშრომლობის საკითხი განიხილეს.