ნანახია: 1065

30-31 მაისს დილის 12 საათიდან 17 საათამდე ქ. თბილისის სპორტულ კომპლექს ,,ლაგუნა ვერეზე’’ "ვისოლის" მხარდაჭერით საერთაშორისო ტურნირი - "ზუკას თასი მინი წყალბურთში"იმართება. ზურაბ სახელაშვილის სახელობის ტურნირზე სულ 8 გუნდი ითამაშებს. საქართველოს ნაკრებთან და სხვა ქართულ გუნდებთან ერთად "ზუკას თასისათვის" რუსეთიდან და უკრაინიდან ჩამოსული გუნდებიც იბრძოლებენ.
სპორტკომპლექს "ლაგუნა ვერეზე" გამართული ორდღიანი ტურნირი შერეული სისტემით მინი წყალბურთის წესებით ტარდება. ამ ეტაპზე ტურნირში მონაწილეობას მიიღებენ ეროვნული ნაკრების გუნდი, 1983-84 წლებში დაბადებული წყალბურთელები, ამავდროულად საგანგებოდ მოწვეული გუნდები მოსკოვისა და ოდესის საკლუბო ნაკრებიდან.