ნანახია: 987

28 მაისს "პროკრედიტ ბანკმა" ალ. ყაზბეგის გამზირზე ახალი სათავო ოფისის მშენებლობის დაწყების შესახებ განაცხადება გააკეთა. პროექტის მთლიანი ღირებულება, წინასწარი შეფასებით, 20.000.000. ლარამდეა და 12 000 კვადრატულ მეტრს მოიცავს. შენობა შემდეგნაირად მოეწყობა:
• მიწისქვეშა სართული - ავტოსადგომი;
• პირველი და მეორე სართულები - ცენტრალური ფილიალი, საკონფერენციო და სასწავლო ოთახები, კაფეტერია.
• მესამე-მეექვსე სართულები - სათავო ოფისის ტერიტორია სათათბირო ოთახებით;
• მეშვიდე სართული - სასწავლო ცენტრი;
ჰოლი, ლიფტები და ღია კიბეები შენობის შუაში, ქტრიუმში მოთავსდება. შენობის თანამედროვე არქიტექტურული დიზაინი ითვალისწინებს მინის სახურავს და მინისავე შიდა კედლებს, რაც დღის სინათლესა და იოლ კომუნიკაციას უზრუნველყოფს, სასწავლო ცენტრით კი ასზე მეტი ადამიანი ისარგებლებს.
შენობის მიმდებარე ტერიტორიაზე პარკი გაშენდება, რომელიც უბანში პატარა ოაზისს შექმნის.
პროექტის მშენებლობა, სავარაუდოდ, 2011 წლისთვის დასრულდება.