ნანახია: 946

“საქართველოს ბანკმა" საბანკო საქმიანობის 2009 წლის I კვარტლის შედეგები გამოაცხადა. 2009 წლის I კვარტალში ბანკის წმინდა მოგებამ 11.3 მილიონი ლარი, წმინდა საპროცენტო მოგებამ 53.3 მილიონი ლარი, ხოლო წმინდა არასაპროცენტო მოგება 16.3 მილიონი ლარი შეადგინა. მთლიანი საოპერაციო მოგება 69.6 მილიონ ლარს გაუტოლდა, ხოლო მთლიანი საოპერაციო ხარჯები 28.8 მილიონ ლარს.
2009 წლის 31 მარტის მდგომარეობით, ბანკის მთლიანმა აქტივებმა 2.9 მილიარდი ლარი, წმინდა სესხების რაოდენობამ კი 1.8 მილიარდი ლარი შეადგინა. ვადაგადაცილებული სესხების მოცულობა მთელი სასეხსო პორტფელის სულ 4.7%-ს შეადგენს, რაც შექმნილ ვითარებაში, დაბალი მაჩვენებელია. 2009 წლის I კვარტალში ბანკის დეპოზიტები 979 მლნ ლარს გაუტოლდა. ბანკის მთლიანი ვალდებულებები 3.1-ჯერ აღემატება ბანკის სააქციო კაპიტალს.
ბანკის ლიკვიდობამ (ნაღდი ფული და ექვივალენტი), ეროვნული ბანკის სტანდარტების მიხედვით, 37.6% შეადგინა, რაც აღემატება წინა კვარტლის მაჩვენებელს (27%) და ეროვნული ბანკის მიერ დადგენილ 20%-ზე გაცილებით მეტია. 2009 წლის 31 მარტის მდგომარეობით, ეროვნული ბანკის სტანდარების მიხედვით, პირველადი კაპიტალის ადეკვატურობის მაჩვენებელმა 16.4% შეადგინა, რაც ეროვნული ბანკის მიერ მოთხოვილ, ადეკვატურობის მაჩვენებელს, მინიმალურ 8%-ს, ორჯერ აღემატება. მთლიანი კაპიტალის ადეკვატურობის მაჩვენებელი 17.4%-ია, ეროვნული ბანკის მიერ კი მოთხოვნილი იყო არანაკლებ 12%-ი.
2009 წლის 31 მარტის მდგომარეობით “საქართველოს ბანკის” საბაზრო წილმა მთლიანი აქტივების 34.3%, მთლიანი სესხების 32.2% შეადგინა, დეპოზიტების - 28%, სააქციო კაპიტალის 41%-ი შეადგინა.
“მოხარული ვართ, რომ ბანკმა, რთული ეკონომიკური გარემოს პირობებში, კარგი შედეგები აჩვენა. წამყვან ბანკებს შორის “საქართველოს ბანკს” ყველაზე მაღალი კაპიტალის ადექვატურობის კოეფიციენტი აქვს. ბანკის ჭარბი კაპიტალის მოცულობა 177 მლნ ლარს შეადგენს, რაც სასესხო პორტფელთან მიმართებაში კარგი მაჩვენებელია. ბანკის ჭარბი ლიკვიდურობა 200 მილიონ ლარს უტოლდება. ამრიგად, ბანკს აქვს ძლიერი კაპიტალის ბაზა და ლიკვიდობის მაჩვენებლები”, განაცხადა `საქართველოს ბანკის~ სამეთვალყურეო საბჭოს თავმჯდომარემ, ნიკა ენუქიძემ.