ნანახია: 617

"ბრიუსელის კონფერენციის გადაწყვეტილებათა ფარგლებში დონორთა ფინანსური დახმარების ასახვა საქართველოს 2008 და 2009 წლების სახელმწიფო ბიუჯეტში".

პროფ. ვლადიმერ პაპავამ დეტალური ანგარიში თემაზე "ბრიუსელის კონფერენციის გადაწყვეტილებათა ფარგლებში დონორთა ფინანსური დახმარების ასახვა საქართველოს 2008 და 2009 წლების სახელმწიფო ბიუჯეტში" წარმოადგინა. ანგარიშში მოცემულია ანალიზი, თუ რამდენად ჯეროვნად და გამჭვირვალედ არის ასახული 2008 და 2009 წლების საქართველოს სახელმწიფო ბიუჯეტში, 2008 წლის აგვისტოში რუსეთ-საქართველოს ხუთდღიანი ომის შემდეგ, ბრიუსელის დონორთა კონფერენციის შედეგად საქართველოსთვის გამოყოფილი თანხები.
2008 წლის 22 ოქტომბერს ქ. ბრიუსელში მოწყობილ დონორთა კონფერენციაზე მიღებული გადაწყვეტილების თანახმად, საქართველომ ფინანსური დახმარების სახით შეიძლება 4,55 მილიარდი აშშ დოლარი მიიღოს, საიდანაც 2 მლრდ. გრანტია, 2,55 მლრდ კი კრედიტი. საქართველომ დახმარების მიღება 2008 წელს დაიწყო და ეს პროცესი 2010 წლის ჩათვლით უნდა გაგრძელდეს. დახმარების მნიშვნელოვანი ნაწილი იმ უშუალო ეკონომიკური ზარალის აღმოსაფხვრელად უნდა წავიდეს, რაც საქართველოს რუსული სემხედრო აგრესიის შედეგად მიადგა, ნაწილი კი ქვეყნის ეკონომიკურ რეაბილიტაციას მოხმარდება.
4,55 მლრდ აშშ დოლარის სრული ოდენობით მიღება იმაზეა დამოკიდებული, თუ, რამდენად ეფექტიანად, მიზანმიმართულად და წარმატებულად იქნება უკვე გამოყენებული თანხები ათვისებული.
ანალიზის ობიექტი წარმოადგენს, თუ რამდენად ადეკვატურადაა სახელმწიფო ბიუჯეტში ის მიზნები გათვალისწინებული, რომელთა მიღწევის საფუძველზეც დონორმა სახელმწიფოებმა და ორგანიზაციებმა საქართველოს დახმარების გადაწყვეტილება მიიღეს. ანალიზის მიზანია სახელმწიფო ბიუჯეტის შესრულების კვალობაზე ამ დახმარების მიზნობრივი გამოყენების მონიტორინგის პროცესი გაადვილოს.
ანგარიში ანალიზს შემდეგ სამ მიმართულებას შეიცავს:
ბრიუსელის კონფერენციის გადაწყვეტილებათა ფარგლებში საქართველოს 2008 წლის სახელმწიფო ბიუჯეტში დონორთა დახმარების ასახვა.
აშშ-ის საერთაშორისო განვითარების სააგენტოს (UშAID) Gგრანტის ასახვა საქართველოს 2008 წლის სახელმწიფო ბიუჯეტში.
ბრიუსელის კონფერენციის გადაწყვეტილებათა ფარგლებში დონორთა დახმარების საქართევლოს 2009 წლის სახელმწიფო ბიუჯეტში ასახვა.

პრეზენტაციას საქართველოს დონორი ორგანიზაციების, მთავრობის, პარლამენტისა და პოლიტიკური პარტიების წარმომადგენლები, ასევე ექსპერტები ესწრებოდნენ. პრეზენტაციის დასრულების შემდეგ ანგარიშის საჯარო განხილვა გაიმართა.
ანგარიში ფონდი `ღია საზოგადოება საქართველოს~ ფინანსური მხარდაჭერით მომზადდა. პროექტი კოალიცია "გამჭვირვალე ფინანსური დახმარება საქართველოს" ფარგლებში განხორციელდა, რომლის დამფუძნებელი და წევრი შემდეგი ორგანიზაციები არიან: `ევრაზიის თანამშრომლობის ფონდი~, "ეკონომიკური პოლიტიკის კვლევის ცენტრი", "კივიტას გეორგიკა", "მწვანე ალტერნატივა", "საერთაშორისო გამჭვირვალობა საქართველო", "საქართველოს ახლაგაზრდა იურისტთა ასოციაცია", "ფონდი ღია საზოგადოება საქართველო" და დამოუკიდებელი ექსპერტები.