საქართველოს ბანკმა ახალი ტიპის სერვისცენტრი წარადგინა“საქართველოს ბანკმა” დღეს ახალი ტიპის სერვისცენტრები - “საქართველოს ბანკის ექსპრესი” წარადგინა, რომელიც, როგორც ბანკში აცხადებენ, გამოირჩევა ულტრათანამედროვე დიზაინით და მომხმარებელს მოხერხებულ, სწრაფ და მარტივ მომსახურებას სთავაზობს.
„სერვისცენტრებში მომხმარებელს განსაკუთრებით სწრაფად მოემსახურებიან, თითოეულ ოპერაციაზე გათვალისწინებულია მაქსიმუმ 5 წუთი. ექსპრესი აღჭურვილია ონლაინ მომსახურებით, რომელიც ხელმისაწვდომია 24 საათის განმავლობაში, ხოლო მომსახურების ზონა მომხმარებელს გვიანობამდე დახვდება ღია,“ - განმარტავენ ბანკში.
მათივე თქმით, ობიექტები ორ ზონადაა დაყოფილი - იქ მომხმარებელს დახვდება როგორც მომსახურების ზონა, სადაც მათ მოლარე-ოპერატორები გაუწევენ დახმარებას, ასევე 24 საათიანი, თვითმომსახურების ზონა. თვითმომსახურების ზონაში, მომხმარებლისთვის ნებისმიერ დროს ხელმისაწვდომი იქნება: ინტერნეტბანკის ტერმინალი, თვითმომსახურების ტერმინალი PayBox და ბანკომატი. ამასთან, ექსპრესის სერვისცენტრებში მომხმარებელი სწრაფად და მარტივად შეძლებს, სპეციალურად „ექსპრესის“ მომხმარებლისთვის შექმნილი პროდუქტების – ექსპრეს პაკეტის მიღებას.
სერვისცენტრები მომხმარებელს 2 დეკემბრიდან მოემსახურება.
რეგისტრაცია!
