უცხოური ბანკების საქართველოთი დაინტერესება ქვეყნის ეკონომიკის აღმასვლაამ გამოიწვია. ამის შესახებ “ლიბერთი ბანკის” გენერალურმა დირექტორმა, ლადო გურგენიძ განაცხადა. შეგახსენებთ: უმსხვილესმა გერმანულმა ბანკმა „კომერცბანკმა“ საქართველოში წარმომადგენლობის გახსნის ნებართვა უკვე მიიღო. ზერბაიჯანული “ფაშა ბანკი” კი ახლო მომავალში საქართველოში ფილიალის გახსნას გეგმავს. ლადო გურგენიძის თქმით, საქართველოს ეკონომიკის განვითარებას ევროპული კრიზისი და არსებული მდგომარეობა ხელს ვერ უშლის, რაც უცხოური ბანკების თვალში ქართულ ბაზარს მიმზიდველს ხდის.
“ბოლო 8 წლის განმავლობაში საქართველოში საბანკო სექტორი საკმაოდ დინამიურია. ტენდენცია და შედეგები ქვეყნისთვის დადებითია. ეკონომიკა სწრაფად ვითარდება. ეს ყველაფერი კი, საზღვარგარეთული ბანკების დაინტერესებასაც იწვევს,” – ამბობს ლადო გურგენიძე.
ის არ ეთანხმება სომხური “ამერია ბანკის” ტოპ-მენეჯერის განცხადებას იმის თაობაზე, რომ საქართველოს საბანკო სექტორში დაბალი კონკურენციაა. გურგენიძის თქმით, არცერთი ქართული ბანკი ბაზარზე კონკურენციის ნაკლებობას არ განიცდის.
რაც შეეხება HSBC–ის აქტივების მიმართ ინტერესს, ამასთან დაკავშირებით ლადო გურგენიძემ კომენტარს არ აკეთებს. შესაბამისად, ამ ეტაპზე უცნობია, აპირებს თუ არა “ლიბერთი ბანკი” HSBC–ის რომელიმე აქტივის შეძენას.
შეგახსენებთ: ბრიტანულმა HSBC-მ ქართული ბაზრის დატოვების შესახებ მიმდინარე წლის სექტემბერში განაცხადა.
commersant.ge
რეგისტრაცია!
