სს `საქართველოს ბანკის” საკრედიტო პორტფელი 2011 წლის III კვარტალში 5%-ით გაიზარდა და პირველი ოქტომბრისთვის 2,608 მლრდ ლარით (01/07/11-2,482 მლრდ ლარი) განისაზღვრა, საბაზრო წილი კი 35,2%-მდე.
ბანკის ფინანსური ანგარიშის მიხედვით, პირველი ოქტომბრისთვის საკრედიტო პორტფელის წლიური ზრდის ტემპი 16%-ია (01/07/11-10,38%), საანგარიშო პერიოდში უმოქმედო სესხების წილი მთლიან სესხებთან 0,8%-ით, 8,04%-მდეა შემცირებული (01/07/11-8,86%).
სესხებიდან საპროცენტო შემოსავლები III კვარტალში 49%-ით, 304 706 545 ლარამდეა მომატებული (01/07/11-204 361 944 ლარი). მთლიანი საპროცენტო შემოსავლები 350 217 872 ლარია (01/07/11-228 605 130 ლარი).
საანგარიშო პერიოდისთვის აქტივები 4 174 281 000 ლარით (01/07/11-4 046 151 000 ლარი), საბაზრო წილი კი 34,9% -ით განისაზღვრა (01/07/11 -36%). ლიკვიდური აქტივები/მთლიან აქტივებთან - 23,27%-ია (01/07/11-25,96%).
ბანკმა იანვარ-სექტემბერი 86,606 მლნ ლარის წმინდა მოგებით დაასრულა. ბაზრის ლიდერია ყველა მაჩვენებლით, გამონაკლისია ფიზიკური პირების ანაბრების პორტფელი (913 396 000 ლარი). ფიზიკური და იურიდიული პირების ჯამური პორტფელი 2,081 მლრდ ლარია.
რეგისტრაცია!
