თბილისის შემოვლითი რკინიგზის პროექტს რეკონსტრუქციისა და განვითარების ევროპული ბანკი (EBRD) აღარ დააფინანსებს.
შესაბამისი გადაწყვეტილება `საქართველოს რკინიგზამ” და EBRD-მა ინტენსიური მოლაპარაკებების შემდეგ მიიღეს, ნათქვამია ევრობანკის მიერ გავრცელებულ პრესრელიზში.
EBRD-ის ინფორმაციით, `საქართველოს რკინიგზამ” პროექტის რესტრუქტურიზაცია განახორციელა და დაფინანსების სხვა წყარო გამოძებნა.
როგორც ცოტა ხნის წინათ `საქართვეჰლოს რკინიგზის” გენერალურმა დირექტორმა ირაკლი ეზუგბაიამ განაცხადა, რკინიგზას თავად გააჩნია სახსრები რკინიგზის შემოვლითი გზის მშენებლობისთვის.
EBRD-სა და `საქართველოს რკინიგზას” შორის 2010 წლის 17 მარტს გაფორმებულ ხელშეკრულებით, EBRD-მა `თბილისის შემოვლითი გზის” პროექტი 100 მილიონი ევროთი (ექვივალენტი შვეიცარიულ ფრანკებში) დააკრედიტა. პროექტი ამჟამად მიმდინარეობს, თუმცა მისი დაფინანსება რკინიგზის საკუთარი სახრსრებით და ასევე ევროობლიგაციების ემისიიდან მიღებული შემოსავლებით ხდება.
პროექტი ითვალისწინებს დედაქალაქის ცენტრალურ უბნებში არსებული სარკინიგზო ხაზების გადატანას ქალაქის პერიფერიულ ნაწილში.
რეგისტრაცია!
