საპარლამენტო კომიტეტებმა „თავისუფალი ვაჭრობისა და კონკურენციის" კანონში შესატანი ცვლილებების განხილვა დაიწყო. ცვლილებების პაკეტი აღნიშნულ კანონთან ერთად, თანმდევ კანონებში ცვლილებებსაც მოიცავს, მათ შორის, საქართველოს კოდექსს სურსათის/ცხოველის საკვების უვნებლობის, ვეტერინარიისა და მცენარეთა დაცვის შესახებ", "საქართველოს ადმინისტრაციულ სამართალდარღვევათა კოდექსში ცვლილების", ასევე "საქართველოს კოდექსს პროდუქტის უსაფრთხოებისა და თავისუფალი მიმოქცევის შესახებ".
ევროკავშირის მოთხოვნით შემუშავებული საკანონმდებლო ცვლილებებით, ანტიმონოპოლიური რეგულირება მკაცრდება.
ცვლილებების მიხედვით, იზრდება „თავისუფალი ვაჭრობისა და კონკურენციის" სააგენტოს უფლებები და შემოდის ჯარიმები.
სააგენტოს უფლება ეძლევა მოიძიოს კონკურენციის შეზღუდვის ფაქტები და საქმე გადასცეს სასამართლოს. იკრძალება კონკურენციის შეზღუდვა. ცვლილებების მიხედვით, სააგენტოსთვის ინფორმაციის მოუწოდებლობისთვის კომპანიები 1000-დან 3000 ლარამდე დაჯარიმდებიან.
კონკურენციის მნიშვნელოვნად შეზღუდვის შემთხვევაში, კომპანიებს დაეკისრება ჯარიმა, რომლის ოდენობა არ უნდა აღემატებოდეს ფინანსური წლის განმავლობაში მის მიერ მიღებული მოგების 10%-ს.
ასევე იკრძალება კარტელური გარიგებგებიც.
лучшие таблетки для похудения
რეგისტრაცია!
