„HSBC ბანკი საქართველო" ბანკის შესაძლო გაყიდვასთან დაკავშირებით პოტენციურ მყიდველებთან მოლაპარაკებებს აღარ აწარმოებს.
билайтროგორც „HSBC ბანკი საქართველოს" აღმასრულებელმა დირექტორმა გაი ლუისმა განაცხადა, ბანკის შესაძლო გაყიდვასთან დაკავშირებით მოლაპარაკებები სხვადასხვა ბანკებთან მიმდინარეობდა, თუმცა საქართველოში საბანკო საქმიანობის შეწყვეტის თაობაზე განცხადების გაკეთებამდე (2011 წლის 9 სექტემბერი) ბანკმა ყველა მოლაპარაკება შეწყვიტა.
სამშაბათს ქართულ მედია-საშუალებებში გავრცელდა ინფორმაცია, რომ შესაძლოა „HSBC ბანკი საქართველო" იყიდოს სომხურმა „ამერიაბანკმა", რომლის ერთ-ერთმა დირექტორმა გასულ კვირას ერევანში გამართულ პრესკონფერენციაზე საქართველოში ბანკის ყიდვის გეგმების შესახებ განაცხადა. მან ქართული ბანკი არ დააკონკრეტა, თუმცა განმარტა, რომ სექტემბერში გარიგების დასრულება და შესაბამისად ოფიციალური კომენტარის გაკეთება იგეგმებოდა, რაც არ მოხდა. „მოლაპარაკებები ამ თემაზე ამჟამადაც მიმდინარეობს", - განაცხადა ერევანში „ამერიაბანკის" ერთ-ერთმა ხელმძღვანელმა.
„HSBC ბანკი საქართველომ" 9 სექტემბერს გაკეთებულ ოფიციალურ განცხადებაში საქართველოს ბაზრის დატოვების მიზეზად ბაზრის სიმცირე დაასახელა.
„HSBC ბანკმა" საქართველოში ოპერირება 2008 წელს დაიწყო. დასაწყისში ბანკი ფიზიკურ და იურიდიულ პირებს ემსახურებოდა, თუმცა მოკლე ხანში საცალო ბაზარზე ოპერირება შეწყვიტა და დღემდე მხოლოდ კორპორაციულ სეგმენტს ემსახურება.
ბანკი საქართველოს ბაზრიდან წასვლას წლის ბოლომდე გეგმავს
რეგისტრაცია!
