„ქართუ ჯგუფის" ახლადდანიშნული პრეზიდენტი ნოდარ ჯავახიშვილი, მისივე ინფორმაციით ბანკი „ქართუს" მმართველობასაც შეითავსებს.
საქართველოს ეროვნული ბანკის (სებ) ყოფილი პრეზიდენტის (1993 წლის ოქტომბრიდან 1998 წლის მარტამდე ) და მეხუთე მოწვევის (1999-2003 წლები) პარლამენტის წევრის, ნოდარ ჯავახიშვილის ინფორმაციით, ამ ეტაპზე ბანკში საკადრო ცვლილბები არ იგეგმება, ის მართვას სამეთვალყურეო საბჭოს თავმჯდომარის და გენერალური დირექტორის სტატუსით, არსებული საკადრო რესურსებით განაგრძობს.
უმაღლესი რგოლის მენჯმენტში ცვლილებები, რამდენიმე დღის წინათ, ბანკიდან სამეთვალყურეო საბჭოს ყოფილი თავმჯდომარის გიორგი ჩრდილელის წასვლას უკავშირდება.
ჩრდილელმა თანამდებობა 12 ოქტომბერს, საკუთარი განცხადების საფუძველზე დატოვა. 13 ოქტომბერს კი ბანკი დატოვეს დირექტორთა საბჭოს წევრებმა გიორგი კვირიკაშვილმა და დიმიტრი ქუმსიშვილმა. ჩრდილელი სამსახურიდან მას შემდეგ წავიდა, რაც ბანკის დაფუძნებელმა და ერთადერთმა აქციონერმა, ბიძინა ივანიშვილმა ის აგენტობაში დაადანაშაულა.
ბანკი "ქართუ" 1998 წლიდან ოპერირებს. "ქართუს" აქციების (100%) მფლობელი სს "ქართუ ჯგუფია", რომლის დამფუძნებელია ბიზნესმენი ბიძინა ივანიშვილი.
რეგისტრაცია!
