ნანახია: 234

ლატარიის კომპანიისთვის საგადასახადო შეღავათის დაწესებას საპარლამენტო უმრავლესობაში საწარმოს განვითარებისთვის ხელშეწყობით ხსნიან.
საგადასახადო კოდექსში ცვლილებების პროექტს, რომლითაც ლატარიებით მომსახურების გაწევა ლატარიის ორგანიზატორის მიერ, რომლის წილის 50%-ზე მეტს სახელმწიფო ფლობს, დღგ-თი თავისუფლდება, დებატები მოჰყვა.
"ეროვნულ-დემოკრატიული პარტიის" წევრ დეპუტატ გურამ ჩახვაძეს აინტერესებს, რატომ გახდა საჭირო ლატარიებისთვის საგადასახადო შეღავათის დაწესება მაშინ, როდესაც სახელმწიფომ ჯანდაცვის პროგრამების დღგ-თი გათავისუფლებაზე უარი თქვა.
საპარლამენტო უმრავლესობაში კი ამბობენ, რომ ლატარიების ორგანიზატორი ახლა არის სახელმწიფო და შესაბამისად, საწარმოს, ლატარიის კომპანიას ხელი უნდა შეეწყოს.
როგორც პარლამენტის პლენარულ სხდომაზე საპარლამენტო უმრავლესობის წევრმა, გიორგი გოდაბრელიძემ განაცხადა, აღნიშნული ინიციატივით საქართველოს ფოსტას, რომელიც უკვე ლატარიებს ფლობს, მოგება უნდა გაეზარდოს, ხოლო მისი მოგების გაზრდით კი სახელმწიფო უფრო მეტ შემოსავალს მიიღებს.