ექსპორტში ყველაზე დიდი წილი იმ საქონელს უჭირავს, რომელიც საქართველოში საერთოდ არ იწარმოება2011 წლის იანვარ-აგვისტოში, საქართველოს საგარეო სავაჭრო ბრუნვა 39%-ით, ხოლო ექსპორტი 41%-ით გაიზარდა. საქართველოს სტატისტიკის ეროვნული სამსახურის ინფორმაციით, 2011 წლის იანვარ-აგვისტოში, საქართველოს საგარეო სავაჭრო ბრუნვა 5 687 მლნ. აშშ დოლარს შეადგენს, რაც წინა წლის ანალოგიურ მაჩვენებელს 39%-ით აღემატება.
აქედან, ექსპორტი 1 371 მლნ. აშშ დოლარია, ხოლო იმპორტი - 4 316 მლნ. აშშ დოლარი. 2011 წლის იანვარ-აგვისტოში, ექსპორტი 41%-ითაა გაზრდილი, ხოლო იმპორტი 38%-ით.
პროდუქციის ექსპორტში წამყვანი ადგილი მსუბუქი ავტომობილების ექსპორტს უკავია. 2011 წლის იანვარ-აგვისტოში, ექსპორტირებულ იქნა 304,6 მლნ. აშშ დოლარის მსუბუქი ავტომობილები (მთლიანი ექსპორტის 22,2%). ექსპორტში მნიშვნელოვანი ადგილი უკავია, აგრეთვე, ფეროშენადნობებს (12,8%), შავი ლითონების ჯართს (7,2%), აზოტოვან სასუქებს (5,8%), ოქროს (5,7%), სპილენძის მადნებსა და კონცენტრატებს (4,2%), წნელები ნახშირბადიანი ფოლადისაგან - ე.წ. "არმატურა“ (3,2%), ეთილის სპირტსა და სპირტიან სასმელებს (2,6%), სპილენძის ჯართს (2,5%), მინერალურ წყლებს (2,4%) და ა.შ.
რეგისტრაცია!
