„ვითიბი ბანკი ჯორჯიას" რეკონსტრუქციისა და განვითარების ევროპულმა ბანკმა (EBRD) 7 მლნ აშშ დოლარის საკრედიტო ხაზი გაუხსნა.
ბანკის საცალო ბიზნესის დირექტორმა ვალერიან გაბუნიამ 10 ოქტომბერს სასესხო ხელშეკრულების გაფორმების შემდეგ, განაცხადა, რომ აღნიშნული რესურსით მცირე და საშუალო ბიზნესი დაკრედიტდება.
მეწარმეს აღნიშნული სესხით ბიზნესის გაფართოების, საბრუნავი საშუალებების შეძენის და საინვესტიციო პროექტების განხორციელების საშუალება მიეცემა.
ამ ხაზით გაიცემა 7 წლამდე ვადიანობის 1 მლნ აშშ დოლარამდე მოცულობის სესხი, რომლის წლიური განაკვეთი 12% - დან განისაზღვრება.
გაბუნიას ინფორმაციით ახლადგამოყოფილ რესურსს ბანკი 3 თვეში აითვისებს.
„ვითიბი ბანკ ჯორჯიასთვის" EBRD-ს 30 მლნ აშშ დოლარის რესურსი გამოყოფილი აქვს რამდენიმე მიმართულებით, მათ შორისაა ვაჭრობის და მომსახურების სფეროს დაფინანსება, რომელიც EBRD-მა ერთი თვის წინათ 5-დან 10 მილიონამდე გაზარდა.
მორიგი სასესხო ხელშეკრულება 11 ოქტრომბერს გაფორმდება. "ვითიბი ბანკ ჯორჯიას" EBRD-ი საკრედიტო რესურსს აგრარული სექტორის დასაფინანსებლად გამოუყოფს.
რეგისტრაცია!
