ნანახია: 190

Forbes-ის რეიტინგში „საუკეთესო ქვეყნები ბიზნესისთვის" (The best countries for business) საქართველომ 134 ქვეყანას შორის 50-ე ადგილი დაიკავა და ამით გასული წლის პოზიცია 11 პუნქტით გაიუმჯობესა.

რეიტინგში გაითვალისწინეს ისეთი პარამეტრები, როგორიცაა მთლიანი შიდა პროდუქტის (მშპ) ზრდა, მშპ-ის რაოდენობა ერთ სულ მოსახლეზე, სავაჭრო ბალანსის წილი მშპ-ში და ქვეყნის მთლიანი მოსახლეობა.

რეიტინგის თანახმად, ხუთეულში შევიდნენ კანადა, მას მოსდევს ახალი ზელანდია, ჰონგკონგი, ირლანდია და დანია. აღსანიშნავია, რომ აშშ-ი რეიტინგში მეათე ადგილს იკავებს.

რაც შეეხება მეზობელ ქვეყნებს, სომხეთმა გასულ წელთან შედარებით 96-ე ადგილიდან 89-ე ადგილზე გადაინაცვლა, აზერბაიჯანის რეიტინგი ერთი პუნქტით გაიზარდა და 78-ე ადგილი დაიკავა, თურქეთის რეიტინგი გაუარესდა და შერშანდელი 46-ე ადგილის ნაცვლად 54-ე ადგილი დაიკავა. რუსეთმა 97-ე ადგილიდან 102-ე ადგილზე გადაინაცვლა.

ამერიკული საფინანსო-ეკონომიკური ჟურნალი Forbes-ი 1917 წელს დაარსდა.