კომპანიამ DPA თავის დამკვიდრება ქართულ ბაზარზე გამორჩეული პროექტების განხორციელებით დაიწყოაღმოსავლეთ და ცენტრალური ევროპის ინფორმაციული ტექნოლოგიების ბაზრის ერთ-ერთმა ლიდერმა საერთაშორისო კომპანიამ DPA, რომელიც Microsoft-ის ერთადერთი ოქროს პარტნიორია საქართველოში, ჩვენს ქვეყანაში საქმიანობა 6 თვის წინ დაიწყო. მოკლე დროის მიუხედავად, კომპანიამ შეძლო ქართულ ბაზარზე თავის დამკვიდრება.
“ქართული IT ბაზრის პოტენციალი და მისი მიმზიდველობა ჩვენთვის ცნობილი იყო. საინფორმაციო ტექნოლგიების ქართული ბაზარი სხვა ქვეყნებთან შედარებით საკმაოდ განვითარებული და გაჯერებულია. გარდა ამისა, კომპანიის შემოსვლა ქვეყანაში არსებულმა ლიბერალურმა ბიზნესგარემომაც განაპირობა. ქართულმა IT ბაზარმა ჩვენი მოლოდინები გაამართლა, მოკლე დროის მიუხედავად შევძელით რამდენიმე სერიოზული პროექტის განხორციელება,” – ასე აფასებენ საქართველოში 6 თვიან მოღვაწეობას კომპანიაში.
IT კომპანია DPA მხოლოდ თბილისით და აქ მომუშავე ორგანიზაციებით არ შემოიფარგლება. სულ ახლახანს კომპანიის ხელმძღვანელობასა და რუსთავის მერს შორის შეხვედრა გაიმართა. ვიზიტის მიზანს, რუსთავში თანამედროვე საინფორმაციო ტექნოლოგიების დანერგვა და ახალი პროგრამული უზრუნველყოფის მიწოდების განვითარება წარმოადგენდა.
“ინდუსტრიულ ქალაქში მომუშავე საჯარო უწყებებისთვისა და ადგილობრივი ბიზნესისთვის მნიშვნელოვანია ახალი IT გადაწყვეტებებისა და პროგრამების დანერგვა. რაც, ერთის მხრივ, უზრუნველყოფს საოპერაციო დანახარჯების მნიშვნელოვან შემცირებას და მეორეს მხრივ, ხელს შეუწყობს მათი საქმიანობის ოპერატიულობის ზრდასა და შემდგომ გაუმჯობესებას”, – ითქვა შეხვედრაზე.
შეხვედრაზე, ასევე ისაუბრეს, რუსთავში სპეციალური ბიზნესკონფერენციის ორგანიზებაზე, რომელიც თანამედროვე საინფორმაციო ტექნოლოგიების სამომავლო პერსპექტივებს შეეხება და სადაც მონაწილეობას ადგილობრივი ბიზნეს, სახელმწიფო და საზოგადოებირივი ორგანიზეციები მიირებენ.
რუსთავის გარდა, ზაფხულში კომპანიის წარმომადგენლები აჭარაში ადგილობრივ ორგანიზაციებსა და კომპიუტერული ტექნოლოგიის დარგის სპეციალისტებსაც შეხვდნენ, სადაც კომპანიის ტექნოლოგიური შესაძლებლობების, გამოცდილებისა და ინოვაციური მიდგომების თაობაზე პრეზენტაცია გამართეს. გარდა ამისა, შოთა რუსთაველის სახელობის ბათუმის სახელმწიფო უნივერსიტეტში ჩატარდა ღია ლექცია და დისკუსია თემებზე: ინტელექტუალური საკუთრება და ინტერნეტი, პროგრამული უზრუნველყოფის ლიცენზირების მოთხოვნები, Microsoft-ის გადაწყვეტები განათლების სფეროში, იდეალური საინფორმაციო ტექნოლოგიები (ISO სტანდარტებზე დაყრდნობით შემუშავებული ხედვა), საინფორმაციო ტექნოლოგიების პროექტების მართვის უახლესი სტანდარტები და სხვა. ღია ლექციაში მონაწილეობა თავისუფალი იყო და მას 40–მდე სტუდენტი და უნივერსიტეტის მასწავლებელი დაესწრო.
ლატვიური კომპანია DPA IT ბაზარზე 1998 წლიდან მუშაობს და დღესდღეობით ფილიალები აქვს ლიტვაში, ბელორუსიასა და უკრაინაში. მას ბალტიის ქვეყნების ბაზრის 60 პოცენტზე მეტი უკავია, ხოლო უკრაინის ბაზრის - 38 პროცენტი, კომპანია ბელორუსის ბაზრის კი 65 პროცენტზე მეტს ფლობს. DPA მომსახურებას უწევს და მართავს IT ინფრასტრუქუტურულ გადაწყვეტილებას 1200-ზე მეტი. აღსანიშნავია, რომ DPA ასევე არის ისეთ სხვა ცნობილი მწარმოებლების ოფიციალური და ხშირ შემთხვევაში ექსკლუზიური პარტნიორი, როგორიცაა: Symantec, Oracle, IBM, SPSS, MCAFEE, Kaspersky, HP და სხვა.
რეგისტრაცია!
