ნანახია: 213

ეროვნული ვალუტით მოკლევადიანი სესხები გაძვირდა, გრძელვადიანის საპროცენტო განაკვეთები კი შემცირდა.
საქართველოს ეროვნული ბანკი (სებ) სტატისტიკით,2011 წლის აგვისტოში ერთ წლამდე ვადიანობის იპოთეკური სესხის საშულო განაკვეთი 41,4%-ით განისაზღვრა, ივლისში კი 27,3%-ად გაიცემოდა.
საანგარიშო თვეში, 5 წლიდან ვადიანობის იპოთეკური სესხის საშუალო წლიური განაკვეთი 14,1%-ით განისაზღვრა (07/11-14,6%).
მნიშვნელოვნად გაიზარდა ერთ წლამდე ვადიანობის ავტოსესხის განაკვეთი, 26%-დან, 45%-მდე. 1-დან 5 წლამდე კი, 20,1%-დან 19,9%-მდე შემცირდა.
1 წლამდე სამომხმარებლო სესხის განაკვეთი 28,9%-ით (07/11-27,7%) განისაზღვრა. 5 წლიდან ვადით კი 15,8%-ით (07/11-17,4%) გაიცემოდა.
საანგარიშო პერიოდში 1-დან 5 წლამდე ვადიანობის საკრედიტო ბარათის საშუალო განაკვეთი 33,7%-დან 32,8%-მდე შემცირდა, 1 წლამდე ვადიანობის ბარათის კი 33,6%-დან 34,1%-მდე გაიზარდა.
სალომბარდო სესხის განაკვეთები უმნიშვნელოდ შეიცვალა, ერთ წლამდე ვადიანობით 46,8%-ით, 5 წლამდე კი წლიური 42%-ით გაიცემოდა.