"ჯორჯიან რესორს კომპანია" ოქროს შემცველი გოგირდ-კოლჩედანური გამოვლინების შესწავლა-მოპოვების ლიცენზიის მფლობელი გახდა
კომპანია ოფშირშია დარეგისტრირებული, ანუ ვინ განკარგავს ქართულ სიმდიდრეს, ვერავინ გაიგებსსაქართველოს ენერგეტიკისა და ბუნებრივი რესურსების სამინისტროს „ბუნებრივი რესურსების სააგენტომ" 9 სექტემბერს გამართულ აუქციონზე ზოტის ოქროს შემცველ გოგირდ-კოლჩედანურ გამოვლინებაზე სასარგებლო წიაღისეულის შესწავლა-მოპოვების ლიცენზია გაყიდა.
ლიცენზია კომპანიამ „ჯორჯიან რესორს კომპანია" 306 ათას აშშ დოლარად შეიძინა.
ლიცენზიის საწყისი ფასი 90 ათას აშშ დოლარს შეადგენდა. გასაყიდ აუქციონში „ჯორჯიან რესორს კომპანიას" გარდა განათლებისა და მეცნიერების სამინისტროს სსიპ ილიას სახელმწიფო უნივერსიტეტიც მონაწილეობდა. სალიცენზიო პირობების თანახმად, ლიცენზიის მფლობელი ვალდებულია ლიცენზიის ძალაში შესვლიდან 22 თვის ვადაში ჩაატაროს ლიცენზიით გათვალისწინებული სასარგებლო წიაღისეულის შესწავლითი სამუშაოები და ამ სამუშაოებში 1 მლნ აშშ დოლარის ინვესტიცია განახორციელოს.
გარდა ამისა, ლიცენზიის მფლობელი ვალდებულია ბუნებრივი რესურსების სააგენტოში წარადგინოს გამოუხმობადი საბანკო გარანტია 100 ათასი აშშ დოლარის ოდენობით.
რეგისტრაცია!
