ნანახია: 373

ყველაზე ლიბერალური ეკონომიკის მქადაგებელ პრეზიდენტს ქართული სასმელების რუსულ ბაზარზე დაბრუნება არ სურს

საქართველოს პრეზიდენტი რუსულ ბაზარზე ქართული ღვინისა და მინერალური წყლების დაბრუნების აუცილებლობას ვერ ხედავს. ეს განცხადება პოლონეთში ვიზიტად მყოფმა მიხეილ სააკაშვილმა პოლონურ მედიასთან გააკეთა. პრეზიდენის თქმით, საქართველო არ არის რუსეთზე დამოკიდებული და რუსეთი არასდროს გახდება ქართული პროდუქციისთვის მთავარი ბაზარი.

მეტიც: როგორც მიხეილ სააკაშვილი აცხადებს, რუსული ემბარგო საქართველოს ექსპორტის დივერსიფიცირებაში დაეხმარა. საქართველოს პრეზიდენტის თქმით, პრინციპი მარტივია ანუ "ის, რაც არ გკლავს, გაძლიერებს".

შეგახსენებთ: კომპანია „ბორჯომმა“ ოფიციალურად განაცხადა, რომ რუსეთში „ბორჯომის“ დაბრუნებაზე მოლაპარაკებებს საქართველოს და რუსეთის შესაბამის უწყებებთან 2006 წლიდან აწარმოებენ. კომპანია „აი დი ეს ბორჯომი ინტერნეიშენალის“ განცხადებით, ბორჯომის მინერალური წყალი სრულად აკმაყოფილებს საქართველოს, რუსეთის და ევროგაერთიანების მოთხოვნებს. კომპანიას გააჩნია სათანადო ტექნოლოგიური ბაზა და სამართლებრივი საფუძველი რომ განაახლოს ექსპორტი რუსეთში თუ საქართველო–რუსეთის სათანადო უწყებები ამ საკითხზე შეთანხმდებიან.