ნანახია: 267

საქართველოში ახალი სალარო აპარატები სავალდებულო 2012 წლიდან ხდება. ქვეყანაში უკვე შემოვიდა 50 ათასი აპარატი. GPRS–ის სისტემით აღჭურვილი აპარატები დღეისთვის თბილისში, რუსთავში, თელავსა და გორში მოქმედებს. ქვეყნის მასშტაბით სულ 100 ათასი სალარო აპარატია საჭირო. დანარჩენი 50 ათასის შემოტანა ოქტომბრის შუა რიცხვებამდე იგეგმება.

შემოსავლების სამსახურის განცხადებით, ახალი აპარატების საშუალებით ინფორმაცია მათ მონაცემთა ბაზაში ონლაინ–რეჟიმში მოხვდება. შემოსავლების სამსახურს ობიექტზე მიუსვლელად რამდენიმე სახის ინფორმაციის მიღება შეეძლება. უწყებაში მიაჩნიათ, რომ ინფორმაციების ონლაინ–რეჟიმში მიწოდება სწრაფი კონტროლის საშუალებას იძლევა.

შეგახსენებთ: იმ კომპანიებს, რომელთა წლიური ბრუნვა 100 ათას ლარზე მეტია, სალარო აპარატებში 290 ლარის გადახდა მოუწევთ.