ნანახია: 242
ფარმაციის ბაზრის გამსხვილება გრძელდება
ფარმაცევტული ბაზრის რეგულირების ახალი მეთოდებით მხოლოდ წვრილი კომპანიები დაზარალდება, რაც მათ ბაზრიდან გასვლას გამოიწვევს.
ფარმაცევტული ბიზნესის რეგულირება მკაცრდება. დარღვევის აღმოჩენის შემთხვევაში შესაძლოა, აფთიაქებს საჯარიმო სანქციები გაუმკაცრდეთ , - ამის შესახებ ჯანდაცვის მინისტრმა ანდრია ურუშაძემ მთავრობის ოთხშაბათის სხდომის დაწყების წინ განაცხადა.
მისივე თქმით, გრძელდება სახელმწიფო კონტროლი მედიკამენტების ხარისხთან დაკავშირებით და თუ საჭირო გახდა, ჯარიმების ოდენობაც გაიზრდება - განუცხადა ანდრეა ურუშაძემ ჟურნალისტებს.
ოთხშაბათს გავრცელებული ინფორმაციით, სამედიცინო რეგულირების სააგენტომ ბათუმის, თბილისისა და შიდა ქართლის აფთიაქებში რეიდები ჩაატარა და შემოწმებული 133 აფთიაქიდან წამლების კანონდარღვევით რეალიზებისთვის ყველა მათგანი დააჯარიმა.
სამ ფსიქოტროპულ აფთიაქს კი, აღმოჩენილი დარღვევების გამო ლიცენზია გაუუქმდა.
|
რეგისტრაცია!
