საქართველოში ბოლო თვეებში ინფლაციის მაჩვენებელი მოსალოდნელზე სწრაფად მცირდება – ეს დასკვნა ეროვნულ ბანკს ეკუთვნის. ბანკის მონეტარული პოლიტიკის კომიტეტის ანალიზიდან ცნობილი ხდება ისიც, რომ არსებული პროგნოზები ინფლაციის კიდევ უფრო შემცირებაზე მიუთითებს.
მოსალოდნელია, რომ ინფლაცია მიმდინარე წლის ბოლომდე მიზნობრივ მაჩვენებელს ჩამოსცდება და მომავალი წლის პირველ ნახევარშიც დაბალ დონეზე შენარჩუნდება. აქედან გამომდინარე, ეროვნული ბანკი აგრძელებს წინა თვეში დაწყებულ მონეტარული პოლიტიკის შერბილებას, რათა ინფლაციის მაჩვენებელი მიზნობრივ დონეზე შენარჩუნდეს.
ეროვნული ბანკის გადაწყვეტილებით, მონეტარული პოლიტიკის განაკვეთი კიდევ 25 პუნქტით შემცირდა და 7.5 პროცენტით განისაზღვრა. ამ დროისათვის წლიური ინფლაცია 8,5 პროცენტის ფარგლებშია. ინფლაციის მიზნობრი მაჩვენებელი კი 6 პროცენტია.
რეგისტრაცია!
