მსოფლიო ბანკი ახალი ფინანსური კრიზისის შესახებ საუბრობს. მსოფლიო ბანკის პრეზიდენტის, რობერტ ზელიკის განცხადებით მსოფლიო ახალი კრიზისის წინაშეა, თუმცა მასშტაბებით იგი 2008 წლის კრიზისს ჩამოუვარდება.
"განვითარებული ქვეყნების უმეტესობის სავალუტო-საფინანსო პოლიტიკა მორყეულია, მაგრამ დაწყებული ფინანსური კრიზისის შტორმი 2008 წლის კრიზისის დონეს არ მიაღწევს", _ აცხადებს მსოფლიო ბანკის პრეზიდენტი რობერტ ზელიკი, რომლის აზრითაც, ის რაც ხდება, ხალხისთვის შოკი არ ყოფილა, ვინაიდან ისინი მოვლენათა ამგვარად განვითარებისათვის მზად იყვნენ. მისივე თქმით, სერიოზული გამოწვევა აქვს მიღებული ევროზონას, თუმცა ის ზომები, რომელიც ევროპის ხელისუფლებამ მიიღო, არსებულ რეალიებისათვის არასაკმარისია.
"გაკვეთილი, რომელიც ჩვენ 2008 წლის კრიზისის დროს მივიღეთ ასეთია _ ჩვენ იმაზე მეტი ძალისხმევის გამოჩენა მოგვიწევს, ვიდრე ეს საჭიროა. როგორც ჩანს, ევროპის ხელისუფლებამ ეს გაკვეთილი იმის გამო ვერ აითვისა, რომ მათ პრობლების განსაზღვრა ვერ შეძლეს"_ განუცხადა მან გაზეთ The Financial Times-ს".
გასული კვირის განმავლობაში მსოფლიო ბაზრებზე " შტორმები" შეიმჩნეოდა. ვაჭრობა ხან პლიუსით, ხანაც ისეთი მინუსით სრულდებოდა, როგორც ეს 2008 წლის ფინანსური კრიზისის დროს იყო. ასეთი რეაქცია მოჰყვა საერთაშორისო რეიტინგული სააგენტოს Standart & Poor's (S&P)-ს გადაწყვეტილებას, რომლითაც იგი აშშ-ს გრძელვადიანი კრედიტის რეიტინგის დაწევას გამოეხმაურა. საფრთხეების ფონზე, რომელიც ბიუჯეტის დეფიციტის ზრდას უკავშირდება, ისტორიაში პირველად, აშშ-ს რეიტინგი მაქსიმალურად დაბალ AAA-დან AA+ -მდე დაეცა.
რეგისტრაცია!
