ერთდღიანი ზრდის შემდეგ, აშშ-ის საფონდო ბაზარზე კვლავ ვარდნა დაფიქსირდა. ინდექსების გაუფასურება ამჯერად, მოსალოდნელ ევროპულ კრიზისს უკავშირდება. ინვესტორები შიშობენ, რომ კრიზისი ფრანგულ ბანკებს ჩაითრევს, რაც ამერიკულ ფინასურ სექტორზეც მნიშვნელოვან გავლენას მოახდენს - წერს Reuters-ი.
ოთხშაბათს გამართული ვაჭრობის შემდეგ, ევროპული ბანკების ინდექსები 6,7% დაეცა, ხოლო ამერიკული ბანკების ინდექსი KBW 4,9 %-ით შემცირდა.
Bank of America Corp-მა 10,9% დაკარგა, Goldman Sachs-მა კი, 10 %-ზე მეტით იზარალა.
Dow Jones -ის ინდექსი 4,62 %-ით, 10.719,94 პუნქტამდე შემცირდა. ინდექსი Standard & Poor's 500, 4,42%-ით დაეცა და 1.120,76 პუნქტი შეადგინა. Nasdaq Composite კი, 4,09 %-იანი ვარდნის შემდეგ, 2.381,05 პუნქტზე დაფიქსირდა.
გაუფასურდა Walt Disney Co-ის აქციებიც. მათი ფასი 9,1%-ით დაეცა, რადგან კომპანიის კვარტალურმა მონაცემებმა ინვესტორები ვერ დაარწმუნა, რომ აშშ-ის შესუსტებული ეკონომიკის ფონზე, კომპანია წარმატებებს მიაღწევს.
რეგისტრაცია!
