შევარდნაძის მმართველობის დროს სავაჭრო-სამრეწველო პალატა `ტკბილი ლუკმა~ იყო და მას შევარდნაძის მძახალი, გურამ ახვლედიანი აკონტროლებდა. ჯემალ ინაიშვილი კარგად ჩაეწერა, როგორც წინა ხელისუფლების, ისე სააკაშვილის მმართველობის კონფიგურაციაში. მანამდე, ცოტა ხნით, პალატას ეროსი კიწმარიშვილიც ხელმძღვანელობდა, მაგრამ ამბიციური კიწმარიშვილი `ვარდოსნებისთვის~ სახიფათო იყო და მსწრაფლ მოიშორეს თავიდან.
იყო პარადოქსული სიტუაცია, როცა პარლამენტის ვიცე-სპიკერი და სავაჭრო-სამრეწველო პალატეს თავმჯდომარე ჯემალ ინაიშვილი ერთდროულად იყო. თუმცა საქართველოში რა არ ხდება. განსაკუთრებით იმ წარმონაქმნში, რომელიც წიაღის ლიცენზიებს გასცემდა. დღეს რას წარმოადგენს ეს ორგანიზაცია, ძნელი სათქმელია. თავის ფუნქციას ამ ქვეყანაში არც პალატა ასრულებს და არც ბიზნესმენთა ფედერაცია. იქედან გიორგი ისაკაძის წასვლის შემდეგ ფედერაციამ, ფაქტობრივად ფუნქცია დაკარგა. აი, პალატა კი იმედია, იქ ბაინდურაშვილის მისვლის შემდეგ, რაიმე ფუნქციას შეიძენს. თუნდაც ბიზნესმენთა აუდიტორიის შეკრებისას პრეზიდენტის საპროგრამო გამოსვლებისთვის.
კახა ბაინდურაშვილმა სავაჭრო-სამრეწველო პალატის პრეზიდენტის თანამდებობაზე ჯემალ ინაიშვილი შეცვალა, რომელიც აღნიშნულ პოსტს 8 წლის განმავლობაში იკავებდა. სავაჭრო-სამრეწველო პალატის სამშაბათის რიგგარეშე საერთო კრებაზე, რომელსაც პრემიერ-მინისტრი ნიკა
გილაურიც ესწრებოდა, ყოფილი პრეზიდენტი ჯემალ ინაიშვილი სავაჭრო-სამრეწველო პალატის გამგეობის თავმჯდომარედ ისევ აირჩიეს.
სავაჭრო-სამრეწველო პალატის ვიცე-პრეზიდენტების პოსტებს ჯერ-ჯერობით კვლავ ინარჩუნებენ დიმიტრი აბესაძე, კახა ოქრიაშვილი და მიხეილ სვიმონიშვილი.
კრებამ გამგეობის ახალ წევრებად ~MFჩ-ჯორჯიას” მმართველი ბრიშ დირექი და ~ბორუ ჯგუფის” ხელმძღვანელი ჯანიკო ყაფლანიშვილი აირჩია.
საქართველოს სავაჭრო-სამრეწველო პალატის კრებას ესწრებოდა 130-მდე კომპანიისა და ორგანიზაციის წარმომადგენელი როგორც თბილისიდან, ასევე საქართველოს რეგიონებიდან.
კახა ბაინდურაშვილი ფინანსთა მინისტრის პოსტიდან რამდენიმე კვირის წინ გადადგა. მას შემდეგ იგი, ასევე სახელმწიფო საწარმოს - `საქართველოს ფოსტა” სამეთვალყურეო საბჭოს თავმჯდომარედ აირჩიეს.
რეგისტრაცია!
