ნანახია: 246

საქართველოს სტატისტიკის ეროვნულ სამსახურში "საქსტატი” თბილისის სტატისტიკის ბიურო შეიქმნა.
"საქსტატის” ცნობით, ახალი სტრუქტურული ერთეული, თბილისის სტატისტიკის ბიურო რეორგანიზაციის შედეგად, "თბილსტატის” ნაცვლად შეიქმნა.
თბილისის სტატისტიკის ბიუროს შექმნის ძირითადი მიზანი რესპოდენტებთან აქტიური დიალოგის, ელექტრონული სერვისებისა და ინფრასტრუქტურის ცვლილების გზით თანამედროვე, კომფორტული სერვისის, გამარტივებული მომსახურებისა და კონსულტაციის უზრუნველყოფაა.
ბიუროს შექმნა ინფრასტრუქტურისა და სერვისების განახლება "საქსტატის” სისტემური რეფორმის ნაწილია და პროგრესული წინგადადგმული ნაბიჯი იქნება რესპონდენტების მხრიდან "საქსტატთან” წარმატებული თანამშრომლობისა და მონაცემთა საიმედოობის ზრდისთვის.
"საქსტატში” განმარტავენ, რომ გაუმჯობესებული მომსახურება იმ სტრატეგიის ქვაკუთხედია, რომელიც რესპოდენტებთან და სტატისტიკური ინფორმაციის მომხმარებლებთან წარმატებულ თანამშრომლობას ემსახურება.
"მომსახურების სისტემის განახლება წინაპირობაა სანდო და საიმედო ინფორმაციის მოპოვებისა და სტატისტიკური საქმიანობის განვითარებისათვის,” - ამბობენ "საქსტატში”.
იმედია, თბილისის ბიურო ხელს შეუწყობს "საქსტატის” მიერ მოპოვებული და გავრცელებული ინფორმაციების მიმართ საზოგადოების სანდოობის ხარისხის ამაღლებას.