საქართველოში 2011 წლის აპრილში წინა წლის ანალოგიურ პერიოდთან შედარებით შრომისუნარიანი ასაკის მამაკაცის საარსებო მინიმუმი 28%-ით გაიზარდა.
"საქსტატის” ინფორმაციით, 2011 წლის აპრილში ამ მაჩვენებელმა 163,2 ლარი შეადგინა, ერთი წლის წინათ კი 127,4 ლარს შეადგენდა, მიმდინარე წლის მარტში - 160,6 ლარს.
სტატისტიკური მონაცემების მიხედვით, მაჩვენებლის ზრდის ტენდენცია შეინიშნება 2010 წლის სექტემბრიდან, რაც დიდწილად განპირობებულია სასურსათო პროდუქტებზე ფასების მატებით, თუმცა ასეთი მაღალი მაჩვენებელი მანამდე ოფიციალურ სტატისტიკაში დაფიქსირებული არ ყოფილა.
2011 წლის აპრილში საშუალო მომხმარებლის საარსებო მინიმუმი 144,5 ლარს შეადგენს, ერთი წლის წინათ კი ეს მაჩვენებელი 112,8 ლარს შეადგენდა, 2011 წლის მარტში - 142,2 ლარს.
ამავე პერიოდში საშუალო ოჯახის საარსებო მინიმუმი 273,7 ლარით განისაზღვრა, გასული წლის ანალოგიურ პერიოდში 213,6 ლარი იყო, 2011 წლის მარტში - 269,4 ლარი.
ერთსულიანი ოჯახის საარსებო მინიმუმი, სტატისტიკური მონაცემებით, 2011 წლის აპრილში 144,5 ლარს (2010 წლის აპრილი - 112,8 ლარი) შეადგენს, ორსულიანის - 231,2 ლარს (2010 წლის აპრილი - 180,5 ლარი), სამსულიანის - 260,1 ლარს (2010 წლის აპრილი - 225,6 ლარი), ოთხსულიანის - 289 ლარს (2010 წლის აპრილი - 225,6 ლარი), ხუთსულიანის - 325,2 ლარს (2010 წლის აპრილი - 253,8 ლარი), ექვსულიანის და მეტი - 384,4 ლარს (2010 წლის აპრილი - 300 ლარი).
რეგისტრაცია!
