„ეს ბაზა “შავ სიას” დაემსგავსება“ბიზნეს ასოციაციის ვიცე-პრეზიდენტი კომპანიებს შორის კადრების ერთიანი ბაზის აუცილებლობას ვერ ხედავს–ამ განცხადებით გიორგი ისაკაძე ცალკეული კომპანიების მიერ ერთიანი საკადრო ბაზის შექმნის თაობაზე გაკეთებულ განცხადებებს ეხმაურება.
კონკურენტებს საკადრო ბაზის შექმნას ხორცპროდუქტების ერთ-ერთი უმსხვილესი მწარმოებელი „ნიკორა“ სთავაზობს. ამ საკითხზე კომპანიებს შორის პირველი შეხვედრა გუშინ შედგა. ბაზაში უნდა განთავსდეს სამუშაოს მაძიებლების შესახებ დადებითი და უარყოფითი რეკომენდაციები. ისაკაძეს კი არ ესმის, რატომ გაჩნდა სოლიდარული პასუხისმგებლობა კომპანიებს შორის.
მისივე თქმით, ბიზნეს–ასოციაცია ამ პროცესში ჩაბმული არ არის და საკითხის ინიციატორთაგან მყარ არგუმენტებს ელოდება, რადგან მიაჩნია, რომ ეს ბაზა “შავ სიას” დაემსგავსება, რომელმაც შესაძლოა სხვა ტიპის პრობლემები წარმოშვას.
რეგისტრაცია!
