ამერიკის პრეზიდენტობის კანდიდატობის მსურველმა, ბიზნესმენმა დონალდ ტრამპმა ახალი სენსაციური განცხადება გააკეთა: "მთელი ერაყის ნავთობი ჩვენ უნდა ავიღოთ ხელში. მიდიხარ ომში, იმარჯვებ და ყველაფერი შენია. თუ ასე არ მოვიქცევით, ყველაფერს ირანი დაეპატრონება". ბუნებრივია, "მაგარი ბიჭი" მართალია. თუ იგი პრეზიდენტი გახდება, არ მგონია, ირანის ნავთობზეც თქვას უარი. ამიტომ, აიათოლა ხამენეის და პრეზიდენტ ახმადი ნეჯადს ურჩევნიათ დროზე დაიჭირონ თადარიგი და მოაგვარონ ურთიერთობები ჯერ ერთმანეთთან, მათ ურთიერთობა დაეძაბათ და მერე ამერიკის მომავალ პრეზიდენტთან.
ჩვენ, ქართველებს, დონალდ ტრამპმა უკვე დაგვდო პატივი, პრეზიდენტი შეგვიქო და თავისი სახელით ორი ცათამბრჯენის აშენების უფლებაც მოგვცა, ფული კი არა. თანაც, როგორც "ბოროტი ენები" ამბობენ, იმ თავისი მადლიანი სახელის გამოყენებაში, მასთან მოსალაპარაკებლად წარგზავნილ ქართველ ბიზნესმენს, `სილქ როუდ გრუპის~ მფლობელს, გიორგი რამიშვილს დიდი ფულიც გადაახდევინა.
რეგისტრაცია!
