ნანახია: 710

ფინანსთა სამინისტროს შემოსავლების სამსახურის თანამშრომლებმა 2009-2010 წლებში არაერთი გახმაურებული ფინანსური დარღვევის გამოვლინების შესახებ განაცხადეს და არაერთი მცირე, საშუალო თუ დიდი ბიზნესი დააჯარიმეს. ექსპერტთა მოსაზრებით, საგადასახადო სამსახური ბიზნესს სახელმწიფო ბიუჯეტის შესავსებად აჯარიმებს.
ფინანსთა სამინისტროს შემოსავლების სამსახურის მიერ მოწოდებული ინფორმაციის თანახმად 2009 წელს სახელმწიფო ბიუჯეტში მეწარმეების მიერ გადახდილი ჯარიმების სახით სულ 18.075.2 ათასი ლარი შევიდა. გასულ წელს, ჯარიმებიდან ბიუჯეტში შესული თანხის ყველაზე დიდი მოცულობა სექტემბერში - 3.909.1 ათასი ლარი, ყველაზე მცირე კი აპრილში - 480.3 ათასი ლარი დაფიქსირდა.
2010 წლის 8 თვეში, საგადასახადო ორგანოების მიერ საგადასახადო სამართალდარღვევებზე გამოცემულია 21 284 ბრძანება. ხოლო, ბიუჯეტში მეწარმეების მიერ გადახდილი ჯარიმების სახით მიმდინარე წლის იანვარ-აგვისტოში სულ 16.230.8 ათასი ლარია მობილიზებული, გასული წლის იანვარ-აგვისტოში კი 7.219.4 ათასი ლარი, რაც მიმდინარე წლის მაჩვენებელთან შედარებით 44%-ით ნაკლებია.
მიმდინარე წელს ბიუჯეტში მეწარმეთა მიერ გადახდილი ჯარიმების ყველაზე დიდი მოცულობის თანხა ივნისში – 2.728.2 ათასი ლარი, ყველაზე მცირე კი იანვარში – 1.538.0 ათასი ლარი დაფიქსირდა.