ნანახია: 421

საინვესტიციო სააგენტო: პანამურ ბიზნესზე არაფერი ვიცით

უკვე დაზუსტებული ინფორმაციით, 2009 წელს საქართველოში 658 მილიონი დოლარის უცხოური ინვესტიცია შემოვიდა, რაც 2008 წლის მონაცემებზე თითქმის 60%–ით ნაკლებია. `საქსტატის~ ინფორმაციით, საქართველოს ნომერ პირველი ინვესტორი არაბეთის გაერთიანებული საემიროები იყო, რომელმაც ლიდერის პოზიცია თურქეთს წაართვა. მათი მხრიდან ქვეყანაში 162,8 მილიონი დოლარის ინვესტიცი შემოვიდა. მეორე ადგილზე თურქეთია, 97,9 მილიონის ინვესტიციით. ლიდერთა სამეულს კი პანამა ასრულებს 74,7 მილიონი დოლარის ინვესტიციით.
ჩვენ დავინტერესდით, ვინ არიან პანამელი ინევსტორები, რის პასუხადაც საინვესტიციო სააგენტოში განგვიცხადეს, რომ მათთვის პანამური ბიზნესის შესახებ ინფორმაცია უცნობია, სააგენტოს დირექტორის ირაკლი მატკავას განცხადებით, პანავა ისეთივე ოფშორული ზონაა, როგორც კვიპროსი და ვირჯინიის კუნძულები.
ეკონომიკური სექტორების მიხედვით კი 2009 წელს ინვესტორებისათვის ყველაზე მიმზიდველი უძრავი ქონების სექტორი აღმოჩნდა, სადაც გასულ წელს მთლიანი ინვესტიციის 22,4% ჩაიდო. ოფიციალური სტატისტიკის თანახმადვე, სახარბიელო ვითარება არც წელს არის. შეგახსენებთ, ეროვნული ბანკის მონეტარული პოლიტიკის კომიტეტის ანგარიშში ნათქვამია, რომ ქვეყანაში ინვესტიციების დიდი ოდენობით შემოსვლასთან დაკავშირებით ეჭვები არსებობს.