ნანახია: 827

"ბითიეი ბანკი საქართველოს" ზარალი პირველი მაისისათვის 12 784 419 ლარია

სს "ბითიეი ბანკი საქართველოს" აქტივების წილის საბანკო სექტორის ჯამურ აქტივებში (8 717 382 711 ლარი) პირველი მასისათვის 1,2%-ია.
აქტივების მოცულობა აპრილში 1,8 მლნ. ლარით, 104 333 245 ლარამდე გაიზარდა (01/04/10 -102 571 882 ლარი).
საანგარიშო პერიოდისთვის კლიენტების დეპოზიტების მოცულობა (მიმდინარე ანგარიშები, ვადიანი, მოთხოვნამდე ანაბრები) 27 681 785 ლარია (01/04/10 -27 552 338 ლარი). უცხოურ ვალუტაში განთავსებულია 20 413 867 ლარის (დეპოზიტების დოლარიზაციის კოეფიციენტი - 73,7%) მოცულობის დეპოზიტები.
ბანკის საკრედიტო პორტფელი, 2010 წლის პირველი მაისისთვის 59 681 886 ლარია, უცხოურ ვალუტაში 52 382 363 ლარის სესხია გაცემული (პორტფელის დოლარიზაციის კოეფიციენტი - 87,8%). სესხების შესაძლო დანაკარგების რეზერვი 18 115 408 ლარს შეადგენს.
ბანკი აპრილში (მარტის მსგავსად) მოგებაზე (1,5 მლნ. ლარი) გავიდა და შესაბამისად პირველი მაისისთვის ზარალი 1,5 მლნ. ლარით, 14 307 861 ლარიდან 12 784 419 ლარამდე შემცირდა.