ნანახია: 991

"თიბისი ბანკის" საბაზრო წილი ფიზიკური პირების დეპოზიტების მიხედვით პირველი მაისისათვის 32,2 პროცენტია

კლიენტების დეპოზიტების მიხედვით სს "თიბისი ბანკის" საბაზრო წილი 2010 წლის პირველი მაისისთვის 30%-ია. ვადიანი ანაბრების ჯამურ მოცულობაში "თიბისი ბანკის" წილი 23,7%-ით განისაზღვრება. ფიზიკური პირების ანაბრების ბაზარზე კი ის ბაზრის ლიდერია და ბანკის საბაზრო წილი 32,2%-ს შეადგენს.
2010 წლის პირველი მაისისთვის "თიბისი ბანკის" ანაბრების მოცულობა (მიმდინარე ანგარიშები, მოთხოვნამდე, ვადიანი დეპოზიტები) 1 101 637 614 ლარია. აქედან ფიზიკური პირების დეპოზიტები 727 794 610 ლარს, ვადიანი ანაბრების მოცულობა - 426 659 775 ლარს შეადგენს.
ბაზარზე მოქმედი 19 კომერციული ბანკის დეპოზიტების მოცულობა პირველი მაისისათვის 3,6 მლრდ. ლარია (ლარში - 1 083 440 000 ლარი, უცხოურ ვალუტაში -2 577 784 000 ლარი) აქედან ვადიანი ანაბრების მოცულობაა 1 797 756 381 ლარი, ფიზიკური პირების დეპოზიტები 2 257 318 000 ლარს შეადგენს.
სესხების (1 223 527 289 ლარი) მიხედვით "თიბისი ბანკის" საბაზრო წილი 22,3%-ია. საბანკო სექტორის ჯამური პორტფელი პირველი მაისისათვის 5 498 133 000 ლარია.
2010 წლის პირველი მაისის მდგომარეობით, ბანკის წმინდა მოგებამ 9 964 857 ლარი შეადგინა, რაც საანგარიშო პერიოდისათვის 12 მომგებიანი ბანკის ჯამური მოგების (62,6 მლნ. ლარი) 15,9%-ია. პირველი მაისისათვის საბანკო სექტორის (19 კომერციული ბანკი) წმინდა მოგებამ 24,3 მლნ. ლარი შეადგინა.
სს "თიბისი ბანკის" აქტივების (1 867 266 439 ლარი) წილი საბანკო სექტორის მთლიან აქტივებში კი, 2010 წლის პირველი მაისისთვის 21,4%-ით განისაზღვრა. 19 კომერციული ბანკის აქტივების ჯამური მოცულობა პირველი მაისისათვის 8 717 382 711 ლარია.