ინფლაციის სანაცვლოდ უფრო ნეგატიური პროცესი - დეფლაცია მივიღეთ

დეფლაციური პროცესის ნეგატიური გავლენა ეკონომიკაზე
2012 წლის აპრილში, წინა თვესთან შედარებით, საქართველოში ინფლაციის დონემ -0,03 პროცენტი შეადგინა. მოცემულ პერიოდში ინფლაციის მაჩვენებლის ფორმირებაში ძირითადი გავლენა იქონია ფასების ცვლილებამ შემდეგ ჯგუფებზე: სურსათი და უალკოჰოლო სასმელების ჯგუფზე ფასები შემცირდა 0,6 პროცენტით და მისმა წვლილმა აპრილის ინფლაციაში -0,19 პროცენტული პუნქტი შეადგინა. ფასების მნიშვნელოვანი კლება დაფიქსირდა ბოსტნეულის, ბაღჩეულის, კარტოფილისა და სხვა ბოლქვოვანების ქვეჯგუფზე (8,0 პროცენტი). ფასების 7,3-პროცენტიანი ზრდა დაფიქსირდა ხილისა და ყურძნის ქვეჯგუფზე. ტრანსპორტის ჯგუფზე ფასები გაიზარდა 1,9 პროცენტით. შესაბამისად, ჯგუფის წვლილმა თვის ინფლაციის მაჩვენებელში 0,24 პროცენტული პუნქტი შეადგინა. ფასების 2,9-პროცენტიანი ზრდა დაფიქსირდა საწვავ-საპოხი მასალების ქვეჯგუფზე.

"სოფლის მეურნეობაში, სადაც დასაქმებულთა უდიდესი ნაწილია თავმოყრილი, ეკონომიკური ზრდა უმნიშვნელო ან საერთოდ უარყოფითია"

LEGAL 500-მა საქართველოში საგადასახადო სამართლის საუკეთესო სპეციალისტად ეფრემ ურუმაშვილი დაასახელა

ავტორიტეტულმა სარეიტინგო გამოცემამ LEGAL 500-მა საქართველოში საგადასახადო სამართლის საუკეთესო სპეციალისტად ეფრემ ურუმაშვილი დაასახელა. ეფრემ ურუმაშვილი იურიდიული კომპანია ნოდია, ურუმაშვილი და პარტნიორების ერთ ერთი დამფუძნებელია. ,,კომპანიას გააჩნია უდიდესი გამოცდილება საბანკო და საგადასახადო სამართალში, კომპანია ემსახურება საქართველოს ბანკს, ბანკს რესპუბლიკას. კომპანიის პარტნიორი ეფრემ ურუმაშვილი კი არის საუკეთესო სპეციალისტი საქართველოში საგადასახადო კანონმდებლობის სფეროში’ ნათქვამია LEGAL 500-ის შეფასებაში.

ქუთაისში პარლამენტის შენობის მშენებლობა სახელმწიფო ბიუჯეტს 133 700 000 ლარი დაუჯდა. ამის შესახებ ~ინტერპრესნიუსს” ფინანსთა მინისტრმა დიმიტრი გვინდაძემ განუცხადა.
მისი თქმით, პარლამენტის მშენებლობისთვის გათვალისწინებული საბიუჯეტო სახსრები სრულიად გამჭვირვალეა. მინისტრის ინფორმაციით, საკანონმდებლო ორგანოს მთელი კომპლექტის მშენებლობა რეგიონალური ფონდიდან ფინანსდება.

მიმდინარე წლის ბიუჯეტი 200 მლნ 600 000 ლარით იზრდება და 8 მილიარდ 216 მილიონი ხდება.
საბიუჯეტო ცვლილებების პროექტი მთავრობამ პარლამენტს დღეს წარუდგინა.
როგორც მთავრობის საპარლამენტო მდივანმა, გია ხუროშვილმა ჟურნალისტებს განუმარტა, ბიუჯეტის შემოსულობების ზრდა ბუნებრივი რესურსებით სარგებლობის ლიცენზირების საფასურიდან მისაღებმა სახსრებმა და ევროკავშირის მიერ დამატებით გამოყოფილმა გრანტებმა განაპირობა.

2013 წლის შემდეგ საშემოსავლო გადასახადი 18% გახდება. "საგადასახადო კოდექსში" შესატანი ცვლილებების თანახმად, საშემოსავლო გადასახადი 2013 წლის შემდგომ პერიოდში 18%-ით განისაზღვრება თუ პირის დასაბეგრი შემოსავლის 2% დაზოგვის სქემის შესაბამისად მმართველ კომპანიაში ირიცხება.

ქუთაისში პარლამენტის შენობის მშენებლობა სახელმწიფო ბიუჯეტს 133 700 000 ლარი დაუჯდა. ამის შესახებ ფინანსთა მინისტრმა დიმიტრი გვინდაძემ განაცხადა.

შავი ზღვის ვაჭრობის და განვითარების ბანკმა (BSTDB), ქართულ ბანკებს 84,5 მლნ ევროს საკრედიტო რესურსი გამოუყო

BSTDB-ის ვიცე-პრეზიდენტის მუსტაფა ბორანის განცხადებით, პროექტი 2 მიმართულებას მოიცავს - ექსპორტ-იმპორტის ოპერაციების და სხვა სექტორების დაფინანსებას.

ბორანის ინფორმაციით, ვაჭრობის სფეროს დაკრედიტების პროექტში ჩართულია „ბაზისბანკი" (4 მლნ აშშ დოლარი), „ქეი-ეს-ბი" (5 მლნ აშშ დოლარი), „ვითიბი ბანკი ჯორჯია" (3 მლნ აშშ დოლარი), ბანკი „ქართუ" (5 მლნ აშშ დოლარი).

სს „საქართველოს ნავთობის და გაზის კორპორაციის" 250 მილიონი დოლარის ნომინალის 5-წლიანი ობლიგაციები ლონდონის საფონდო ბირჟაზე 9 მაისს განთავსდა

Fitch Ratings-მა სს „საქართველოს ნავთობისა და გაზის კორპორაციის" ობლიგაციებს „BB-(exp)" რეიტინგი მიანიჭა

Euroweek.com–ის ინფორმაციით, საპროცენტო განაკვეთი სადებიუტო ფასიან ქაღალდებზე 9 მაისს საღამოს 7,125%-მდე შემცირდა, ხოლო თავდაპირველად 7.50–7.75%–ს შეადგენდა. უპრეცედენტოდ დაბალი განაკვეთის მიღწევა განაპირობა იმან, რომ მოთხოვნამ ფასიან ქაღალდებზე 4–ჯერ გადაჭარბა თავდაპირველად გაკეთებულ განაცხადს.

გავლენიანმა ჟურნალმა EMEA Finance-მა „თიბისი ბანკი“ საქართველოში 2011 წლის საუკეთესო ბანკად დაასახელა.

"თიბისის" ინფორმაციით, გამარჯვებულის შერჩევის დროს, ჟურნალმა გაითვალისწინა ბანკის წარმატებები საერთაშორისო ფინანსურ ბაზრებზე და ბანკის წამყვანი პოზიციები სამომხმარებლო და მცირე ბიზნესის დეპოზიტებში.

100 საავადმყოფოს პროექტმა სადაზღვევო კომპანიების დიდი ნაწილი გაკოტრების პირას მიიყვანა. ეროვნული ბანკი კი, რომელიც მზღვეველთა ზედამხედველობასაც ეწევა, ამ ყველაფერს უშფოთველად უყურებს. თუკი სადაზღვევო ბაზარი ამგვარად შეთხელდა, ქვეყანაში სულ 3-4 კომპანია დარჩება და მონოპოლიის საფრთხეც გაჩნდება.

“ქართუ ბანკის“ პრეზიდენტის ნოდარ ჯავახიშვილის განცხადებით, ხელის შეშლაზე „ქართუ ბანკის“ მხრიდან, რაზეც ეროვნული ბანკის პრეზიდენტი გიორგი ქადაგიძე პარლამენტში საუბრობს, წარმოადგენს „ეროვნული ბანკის“ მოთხოვნას, რომელიც მთელ მსოფლიოში უპრეცენდენტოა.

ხელისუფლება სესხების გამცემი ორგანიზაციების გაკონტროლებას იწყებს

ხელისუფლება სესხების გამცემი ორგანიზაციების გაკონტროლებას იწყებს. ცვლილება “ეროვნული ბანკის შესახებ” კანონში შედის. ექსპერტების აზრით, კანონში ცვლილების უმთავრესი მიზანი საფინანსო სექტორში კონტროლის გამკაცრებაა.

მალე ბაზარზე გაჩნდება საფინანსო სექტორის წარმომადგენლის ახალი ტიპი - კვალიფიციური საკრედიტო ინსტიტუტი, რომელსაც ეროვნული ბანკი გააკონტროლებს. კვალიფიციური საკრედიტო - ინსტიტუტი იქნება იურიდიული პირი, რომელიც სახსრებს მოიზიდავს ოთხასზე მეტი ფიზიკური პირისაგან ან რომლის მიერ ფიზიკური პირებისაგან მოზიდული სახსრების ოდენობა აღემატება ხუთ მილიონ ლარს. ასეთი პირი ვალდებული იქნება ეროვნული ბანკის მოთხოვნის შემთხვევაში დარეგისტრირდეს და ეროვნული ბანკის მიერ მისთვის დადგენილი მოთხოვნები დააკმაყოფილოს.

ხელისუფლება პარალელურ საბანკო სისტემას ქმნის. შეიქმნება საკრედიტო ინსტიტუტები, რომლებსაც ფიზიკური პირებისგან თანხის (ანაბრების) მოზიდვის უფლება ექნებათ. ამ ინიციატივაში სპეციალისტები მნიშვნელოვან საფრთხეებს ხედავენ. კერძოდ, ბიზნესსტრუქტურა, რომელიც ზემაღალი საპროცენტო განაკვეთების სანაცვლოდ მოსახლეობისგან ანაბრებს აკრეფს, შესაძლოა, საფინანსო ბაზრიდან აორთქლდეს და მეანაბრეები მოტყუებული და გაძარცვული დატოვოს. მით უმეტეს, რომ სხვა ქვეყნებისგან განსხვავებით, საქართველოში ანაბრების დაცვის არანაირი მექანიზმი არ არსებობს.

„ზონას სკაპიტალიზაციის, ბაზრების მოძიების და მარკეტინგის პრობლემა აქვს“

ქუთაისის ინდუსტიული ზონა ჯერჯერობით ვერ შედგა და მას კაპიტალიზაციის, ბაზრების მოძიებისა და მარკეტინგის პრობლემები აქვს. ამის შეასხებ თბილისის სახელმწიფო უნივერსიტეტის პროფესორი ემზარ ჯგერენაია აცხადებს.

მთავრობა 2012 წლის ეკონომიკური ზრდის პროგნოზს 1 %-ით 5-დან 6 %-მდე ზრდის. როგორც პრემიერ-მინისტრმა ნიკა გილაურმა განაცხადა, 6 %-იან ეკონომიკურ ზრდაზე იქნება გათვლილი 2012 წლის ბიუჯეტი, რომელშიც ცვლილებები ახლა შედის.
"2012 წლის ბიუჯეტით ეკონომიკური ზრდა 2012 წელს 5 % უნდა ყოფილიყო, თუმცა არსებულმა რეალობამ აჩვენა, რომ 2012 წელს ეკონომიკის ზრდა 6 % იქნება.

პარლამენტის აპარატის კუთვნილ 84 მანქანას კომპანია "ალდაგი ბისიაი" 144 192 ლარად დააზღვევს.

აღნიშნულმა კომპანიამ პარლამენტის აპარატის კუთვნილი 84 ერთეული ავტოსატრანსპორტო საშუალების სადაზღვევო მომსახურებაზე გამოცხადებულ ტენდერში გაიმარჯვა.
სახელმწიფო შესყიდვაში მონაწილეობა სადაზღვევო კომპანიამ, გამარტივებული ელექტრონული ტენდერით მიიღო.

"ქეი ეს ბი ბანკმა" და „შავი ზღვის ვაჭრობისა და განვითარების ბანკმა“ საკრედიტო ხაზის გამოყოფის თაობაზე ხელშეკრულება გააფორმეს

„რადოსსონ ბლუ ივერიაში“ "ქეი ეს ბი ბანკმა" და „შავი ზღვის ვაჭრობისა და განვითარების ბანკმა“ (BSTDB) ხელი მოაწერეს ხელშეკრულებას საკრედიტო ხაზის გამოყოფის თობაზე. ქეი-ეს-ბი ბანკს BSTDB–მა გამოუყო 5 მილიონი აშშ დოლარის საკრედიტო ხაზი. პროექტის მიზანია დაეხმაროს წევრ ქვეყნებს შორის ეკონომიკური და სავაჭრო ურთიერთობების გაღრმავებას, აგრეთვე მცირე და საშუალო ბიზნესის განვითარებას.

ორშაბათს, 7 მაისს ქეი-ეს-ბი ბანკს შეიხი ნაჰაიან მაბარაქ ალ ნაჰაიანი ეწვია, რომელიც საქართველოში არაოფიციალური ვიზიტით იმყოფება.

"სავალუტო ბაზარზე წარმატებისთვის უმთავრესია სრული და დროული ინფორმაციის ფლობა”

საქართველოში საფინანსო სექტორის განვითარებასთან ერთად იხვეწება პარალელური მომსახურებები, რომელთა გარეშეც აღნიშნული სფეროს განვითარება, პრაქტიკულად, წარმოუდგენელია. "აგორა ფინანსები" - როგორც პროექტი, ამ პროგრესული ტენდენციის ერთ–ერთი ნაწილია. საინფორმაციო პორტალ www.agora.ge-ზე მომხმარებელს საშუალება ეძლევა პრაქტიკულად ერთ სივრცეში ნახოს, შეაფასოს და გააანალიზოს წამყვანი ქართული საფინანსო ინსტიტუტების მიერ ბაზარზე გამოტანილი საკრედიტო თუ სადეპოზიტო პროდუქტები; დინამიკაში გაეცნოს კროს კურსებს, ბანკებში თუ გარე საბანკო ბაზარზე დაფიქსირებულ სავალუტო რეალობას.
"ბ&ფ” ესაუბრა "აგორა ფინანსების” დამფუძნებელს ლაშა ამაღლობელს.

ეროვნული დანაზოგი, როგორც შიდა ინვესტიციების წყარო, მნიშვნელოვანი ეკონომიკური კატეგორიაა. ახლახანს მსოფლიო ბანკმა გამოაქვეყნა ახალი კვლევა, რომელიც სწორედ დანაზოგების თემას ეხება.
საქართველოში საბანკო ანგარიში ზრდასრული მოსახლეობის 33%-ს აქვს გახსნილი. დანაზოგი კი ბანკში მხოლოდ 1%-ს გააჩნია. ასეთ მონაცემებს შეიცავს მსოფლიო ბანკის ახალი ანგარიში - `საფინანსო ჩართულობის შეფასება~, რომლის თანახმადაც, მსოფლიოში საბანკო ანგარიში ზრდასრული ადამიანების 50%-ს აქვს გახსნილი.
სპეციალისტების თქმით, მსოფლიოს მასშტაბით 2,5 მილიარდი ადამიანია, რომელიც არ სარგებლობს საბანკო მომსახურებით. ამით ისინი ეკონომიკურ ზრდასა და საკუთარ შესაძლებლობებს აზარალებს.

კომერციული ბანკების საკრედიტო დაბანდების მოცულობა, არარეზიდენტებზე გაცემული სესხების ჩათვლით, 2012 წლის მარტში, წინა თვესთან შედარებით, 1.9 პროცენტით ანუ 145.8 მლნ ლარით გაიზარდა.
ეროვნული ბანკის ინფორმაციით, ამ მონაცემებით საკრედიტო დაბანდების მოცულობამ მიმდინარე წლის პირველი აპრილისთვის 7.8 მლრდ ლარს გადააჭარბა.
ამავე პერიოდში, ეროვნული ვალუტით გაცემული სესხების მოცულობა 2.2 პროცენტით, ანუ 53.3 მლნ ლარით გაიზარდა, ხოლო უცხოური ვალუტით გაცემული სესხების მოცულობა - 1.8 პროცენტით ანუ 92.5 მლნ ლარით.

სს ვითიბი ბანკი ჯორჯიამ” 2012 წლის I კვარტალი 4,4 მლნ ლარის მოგებით დაასრულა (01/04/11- 3,6 მლნ ლარი).
ბანკის აქტივები, პირველი აპრილისთვის, 429,2 მლნ ლარით, საბაზრო წილი 3,4%-ით განისაზღვრება (377,9 მლნ ლარი; 3,5%).
ბანკის ცნობით, საანგარიშო პერიოდისთვის კლიენტების დეპოზიტების პორტფელი 190,8 მლნ ლარს, საკრედიტო -314 მლნ ლარს შეადგენს (01/04/11-233,7 მლნ).
პირველი აპრილისთვის, ბანკის კაპიტალი 429,2 მლნ ლარია.

სს ბანკმა ქართუ” 2012 წლის I კვარტალი 74,257 მლნ ლარის ზარალით დაასრულა. 2011 წლის ანალოგიურ პერიოდში მოგება 6,2 მლნ ლარს შეადგენდა. გასული წლის ბოლოს კი 15,5 მლნ ლარს.
წლევანდელი ზარალი უზრუნველყოფის გარეშე დარჩენილი სესხების ჩამოწერამ განაპირობა. ზარალში ჩამოწერილი ვალების მოცულობა 147,5 მლნ ლარია (01/04/11 - 15,5 მლნ ლარი). საპროცენტო შემოსავლები 4,6 მლნ ლარია და აქედან სესხებიდან მიღებულია 4,1 მლნ ლარი (01/04/11 - 14,6 მლნ ლარი; 13 მლნ ლარი).
პირველი აპრილის მდგომარეობით, დეპოზიტების პორტფელი 58,8 მლნ ლარს (01/04/11 - 83,6 მლნ ლარი), სესხების - 247,2 მლნ ლარს შეადგენს (01/04/11- 437,7 მლნ ლარი). მთლიანი ვალდებულებები 230,7 მლნ ლარია (01/04/11 - 407მლნ ლარი). სააქციო კაპიტალი -112,9 მლნ ლარი (01/04/11 - 139,7 მლნ ლარი).

"ლიბერთი ბანკმა” მომხმარებელს ახალი ვადიანი ანაბარი, "ოლიმპიური ქომაგი 2012” შესთავაზა.
აღნიშნული პროდუქტი ~პატრიოტი ქომაგის” სახეცვლილი ვარიანტია და 2012 წლის ზაფხულის ოლიმპიური თამაშებზე საქართველოს ოლიმპიური ნაკრების მხარდასაჭერად შეიქმნა. თამაშები ლონდონში 27 ივლისს დაიწყება და 12 აგვისტომდე გასტანს.
ანაბრის სარგებლის ოდენობა დამოკიდებულია საქართველოს ოლიმპიური ნაკრების წევრების მიერ მოპოვებული ოლიმპური მედლების რაოდენობაზე და სახეობაზე.
ანაბარი იხსნება ლარში, 2012 წლის 26 ივლისის ჩათვლით და მას ვადა 2013 წლის 12 აგვისტოს ეწურება. მინიმალური სარგებელი 14%-ია, რომელსაც საქართველოს ნაკრების წევრის მიერ ყოველ მოპოვებულ ოქროს მედალზე 1%, ვერცხლის მედალზე 0,5%, ბრინჯაოს მედალზე კი 0,25% ემატება.